ئیسرائیل هێرشی مووشه‌كی كرده سه‌ر ده‌وروبه‌ری فڕۆكه‌خانه‌ی نێوده‌وڵه‌تی دیمه‌شق پایته‌ختی سووریا.
به‌پێی هه‌واڵێكی ئاژانسی فه‌رمی SANA سه‌ر به رژێمه‌كه‌ی به‌شار ئه‌سه‌د، دوو مووشه‌كی ئیسرائیل له ده‌وروبه‌ری فڕۆكه‌خانه‌ی نێوده‌وڵه‌تی دیمه‌شق كه‌وتوونه‌ته خواره‌وه.
به‌پێی زانیاریی په‌یامنێرانی ئاژانسی ئانادۆڵو له پارێزگای ده‌رعا باشووری سووریا، سیستمه‌كانی به‌رگری ئاسمانیی رژێمه‌كه‌ی ئه‌سه‌د به‌رپه‌رچی ئه‌و فڕۆكانه‌یان داوه‌ته‌وه كه هێرشه‌كه‌یان ئه‌نجامداوه و مووشه‌كیان ئاراسته‌كردوون، به‌ڵام سوپای ئیسرائیل له ئاسمانی پارێزگای ده‌رعا مووشه‌كه‌كانی تێكشكاندووه.
هاوكات رژێمه‌كه‌ی ئه‌سه‌د دووباره مووشه‌كی ئاراسته كردووه و، ئه‌مجاره فڕۆكه جه‌نگییه‌كانی ئیسرائیل ئه‌و سه‌كۆیه‌یان كردووه‌ته ئامانج كه مووشه‌كه‌كانی لێوه ئاڕاسته كراون.
دوای هێرشه‌كه، فڕۆكه جه‌نگییه‌كانی ئیسرائیل بۆ ماوه‌یه‌كی زۆر به‌سه‌ر ئاسمانی ده‌رعا و قونه‌یتره باشووری رۆژئاوای سووریادا سووڕانه‌وه.
کۆمێنت (0)
تا ئێستا هیچ کۆمێنتێک نەکراوە.