پـێویسته دایكان و بـاوكان زۆرتر ئـاگاداری نـه‌خۆشی تـرسناكی (شێرپه‌نجه) بن ، بـۆیه ده‌بێت ئه‌و نیشانانه‌ی ماوه‌یه‌كی زۆر ده‌خایه‌نێت له مناڵه‌كه‌تدا له‌به‌رچاوی بگریت .
به‌م نـیشانانه‌دا ده‌توانرێت بزانرێت كه مـناڵه‌كه‌ت دووچاری شێرپه‌نجه بووه :
* ئه‌گه‌ر بێت و مناڵه‌كه‌ت ( تـا ) ی هه‌بێت و زیاتر له ( 14 ) ڕۆژ بخایه‌نێت .
* رشانه‌وه‌یه‌ك كه به‌رده‌وامی هه‌بێت و زیاتر بێت له ( 7 ) ڕۆژ .
* له‌خه‌و هه‌ستانی له رۆژدا ئه‌سته‌م بێت و له شه‌ودا كه‌م خه‌و بێت .
* هه‌بوونی سه‌رئێشه‌یه‌كی هێواش كه به تێپه‌ڕاندنی كات زیاتر و قورستر ده‌بێت و پاشان ببێته هۆی كێشه له ڕۆشتنیدا و پاشانیش ببێته هۆی ( صرع ) یاخوود گۆڕانی كه‌سایه‌تی مناڵه‌كه له‌ڕووی ڕه‌فتارییه‌وه .
* هه‌بوونی ئازاری ئێسكه‌كان یاخود ماسولكه‌كانی و وه‌رگرتنی ده‌رمان و چاره‌سه‌ر بۆ ئه‌ومه‌به‌سته به‌ڵام دوای تێپه‌ڕبوونی چه‌ند هه‌فته‌یه‌ك هێشتا نیشانه‌كانی چاكبونه‌وه‌ی تیا نه‌بینرێت .
ئازاری ماسولكه‌كان به جۆرێك ده‌بێت كه له شه‌واندا بێهێزی ده‌كات و پاشان هه‌موو جه‌سته‌ی ده‌گرێته‌وه و ته‌نانه‌ت گه‌ر (شێلان) ی بۆ بكرێت هه‌ر چاك نابێته‌وه‌و كێشه‌ی هه‌ناسه‌دانی بۆ دروست ده‌بێت كه زۆرجار به ده‌رمانی هه‌وكردنیش چاك نابێت .
* هه‌بوونی ئازاری له هه‌ندێ ناوچه‌ی تایبه‌تی وه‌ك ئازاری ده‌وری كه‌مه‌ر .
* هه‌روه‌ها نه‌بوونی ئاره‌زووی خواردن و خوێن رێزی ئاسان و گۆرانكاری خێرا له بینین و گه‌وره‌بوونی جگه‌ر و دابه‌زینی كێش یه‌كێكه له ده‌ركه‌وته‌كانی تری نه‌خۆشی شێرپه‌نجه و بوونی غودده‌ی به‌رجه‌سته كه له شێوه‌ی خۆی زیاتره له گه‌ردنی مناڵه‌كه‌دا .
گرنگترین كارێك كه بكرێت ، ئه‌وه‌یه هه‌ركات ئه‌م نیشانانه ده‌ركه‌وت له مناڵه‌كه‌تدا سه‌ردانی پزیشكی پسپۆڕی مناڵان بكه‌یت و ئه‌م نیشانانه بۆ پزیشكه‌كه بخه‌یته‌ڕوو ، هه‌روه‌ها پشكنینی خوێن و هه‌رچی پێویسته بۆی ئه‌نجام بده‌یت به‌پێی ڕێنمایی پزیشكه‌كه تاوه‌كو دڵنیا بیته‌وه له هه‌بوون یاخوود نه‌بوونی ئه‌م نه‌خۆشیه .
سه‌رچاوه/ راگه‌یاندنی به‌ڕێوبه‌رایه‌تی گشتی ته‌ندروستی سلێمانی
كوردستان تیڤی/ كامران حاجی
کۆمێنت (0)
تا ئێستا هیچ کۆمێنتێک نەکراوە.