(نوێكراوه‌ته‌وه)
ئه‌مرۆ پێنج شه‌ممه، 14 ى حوزه‌یرانى 2018 ، ناوه‌ندى گه‌ردونناسى نێوده‌وڵه‌تى ڕایگه‌یاند كاتژمێر 1:53 خوله‌كى پاش نیوه‌رۆ به تەکنەلۆژیا و کامێرای فەلەکی لەسەر چیای (حەفیت) لە ئیمارات، وێنەی مانگ بینراوه ، تۆماریان كردووه به‌م پێیه‌ش سبەی هه‌ینى 15 ى حوزه‌یرانى 2018 یەکەم رۆژی جەژنی رەمەزان دەبێت
هه‌ر ئێستا لێژنه‌ى بینینى مانگى سه‌ربه وه‌زاره‌تى ئه‌وقافى حكومه‌تى هه‌رێمى كوردستان له كۆنگره‌یه‌كى رۆژنامه‌وانى به‌یانى رۆژى هه‌ینى 15 حوزه‌یرانى وه‌ك یه‌كه‌م رۆژى جه‌ژنى ره‌مه‌زان راگه‌یاند
سعوودیه‌و قه‌ته‌ر: سبه‌ى یه‌كه‌م رۆژی جه‌ژنی ره‌مه‌زانی پیرۆزه له چه‌ندین وولات مانگی شه‌وال بینراوه لیژنه‌ى بالاى بینینی مانگ له عه‌ره‌بستانی سعوودیه رایگه‌یاند" مانگی شه‌وال بینراوه‌و، به‌وه‌ش سبه‌ینێ هه‌ینی ده‌بێته یه‌كه‌م رۆژی جه‌ژنی ره‌مه‌زانی پیرۆز. كه‌مێك پێش ئێستا، كه‌ناڵی "عه‌ره‌بییه" بڵاویكرده‌وه كه هه‌واڵیان سه‌باره‌ت به بینینی مانگی شه‌وال له ناوه‌ندی چاودێریی زانكۆی موجه‌مه‌عه‌وه پێگه‌یشتووه، به‌و پێیه‌ش سبه‌ینێ هه‌ینی 15ی حوزه‌یرانی 2018 یه‌كه‌م رۆژی جه‌ژنی ره‌مه‌زانی پیرۆزه. هاوكات ده‌وڵه‌تی قه‌ته‌ریش بینینی مانگی شه‌والی یه‌كلاكردوه‌ته‌وه و ئه‌و وڵاته‌ش سبه‌ینێی كرد به یه‌كه‌م رۆژی جه‌ژنی ره‌مه‌زان. هه‌ر ئه‌مڕۆ هه‌ریه‌ك له مالیزیا و ئیندۆنیسیا و برۆنای و سه‌نگافوره رایانگه‌یاند" سبه‌ینێ هه‌ینی یه‌كه‌م رۆژی جه‌ژنی ره‌مه‌زانی پیرۆزه له وڵاته‌كانیان،
له‌لایه‌كى دیكه كۆمه‌ڵه‌ى فیقهى عێراقى رایگه‌یاند: به هه‌مان شێوه به‌یانى رۆژى هه‌ینى ده‌بێته یه‌كه‌م رۆژى جه‌ژنى ره‌مه‌زان له عێراق
ناوه‌نده‌كه وێنەی مانگ و تیمەکەی لەکاتی کارکردنیدا لە هەژماری تایبەتی خۆی لە تۆڕی کۆمەڵایەتی تویتەر بڵاوکردووەتەوە به‌م شێوه‌یه
ئاماده‌كردن: شوان عه‌زیز
کۆمێنت (0)
تا ئێستا هیچ کۆمێنتێک نەکراوە.