لقی سیاسیی هێزه‌كانی دیموكراتیكی سووریا رایگه‌یاند: ئاماده‌یه له‌گه‌ڵ به‌شار ئه‌سه‌د به‌بێ شه‌رت و مه‌رج دانووستان له‌گه‌ڵ به‌شار ئه‌سه‌د بكات.
ئه‌نجومه‌نی دیموكراتیكی سووریا كه پێكهاتووه له كوردانی رۆژائاوا و عه‌ره‌به‌كانی سووریا، له شه‌ڕ دژی هێزه‌كانی به‌شار ئه‌سه‌د هاوپه‌یمانی ئه‌مریكان.
ئه‌م ئه‌نجومه‌نه رۆژی یه‌كشه‌ممه‌ی ئه‌م هه‌فته‌یه رایگه‌یاند كه پابه‌نده به كۆتاییهێنان به قه‌یرانی خوێناویی ناوخۆی سووریا، هه‌ر بۆیه به‌بێ شه‌رت و مه‌رج ئاماده‌یه دانووستان له‌گه‌ڵ حكومه‌تی به‌شار ئه‌سه‌د بكات.
حیكمه‌ت حه‌بیب یه‌كێك له به‌رپرسانی باڵای ئه‌م ئه‌نجومه‌نه رایگه‌یاند: ئه‌نجومه‌نی دیموكراتیك و هێزه‌كانی دیموكراتی سووریا زۆر جیددین سه‌باره‌ت به كردنه‌وه‌ی ده‌رگای دانووستان و گفتوگۆ له‌گه‌ڵ حكومه‌تی به‌شار ئه‌سه‌د.
سه‌رچاوه / بی بی سی
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.