بنیامین ناتانیاهۆ سه‌رۆك وه‌زیرانی ئیسڕائیل له كۆبوونه‌وه‌ی رۆژی رابردووی كابینه‌كه‌یدا وێڕای ئاماژه به ئه‌نجامی سه‌ردانه‌كه‌ی خۆی بۆ سێ وڵاتی ئه‌وڕوپیی كه له‌ناو رێككه‌وتنه ئه‌تۆمییه‌كه‌دان له‌گه‌ڵ ئێران، وتی: له ئێستادا ئه‌ڵمانیا و به‌ریتانیا و فه‌ڕه‌نسا رازین له‌وه‌ی ئێران له سووریا بكشێته‌وه.
ناتانیاهۆ سه‌باره‌ت به ئامانجی سه‌ره‌كیی حكومه‌تی وڵاته‌كه‌ی وتی كه ده‌رچوونی ئێران به‌ته‌واویی له سووریا ئامانجی ئه‌وانه و ئیسڕائیلیش پێداگرانه به‌ره‌نگاری هه‌وڵه‌كانی ئێران ده‌بێته‌وه بۆ جێگیربوونی سه‌ربازیی له سووریا.
حكومه‌تی ئیسڕائیل چه‌ندینجار رایگه‌یاندووه كه رێگه‌ی به‌وه نادات هێزی سه‌ربازیی ئێران له هیچ شوێنێكی خاكی سووریا جێگیر ببێت و به كرداریش ئه‌وه‌ی سه‌لماندووه‌ن به‌جۆرێك كه تا ئێستا چه‌ندینجار بنكه‌ی هێزه‌كانی سه‌ر به سوپای پاسدرانی ئێرانی بۆردومان كردووه.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.