ئه‌مرۆ یەکشەممە 10/6/2018، ئەنجوومەنی باڵای دادوەریی عێراق 27 دادوەری بۆ کاروباری کۆمسیۆنی باڵای سەربەخۆی هەڵبژاردنەکانی عێراق دیاری کرد، كه لەو ژماره‌یه، 18 دادوەر بۆ سەرپەرشتیکردنی ئۆفیسەکانی کۆمسیۆنی باڵای سەربەخۆی هەڵبژاردنەکانی عێراق لە پارێزگاکانی عێراق و هەرێمی کوردستان، دیاری کراون.
ئەو دادوەرانە سەرپەرشتیی پرۆسەی ژماردنەوەی دەنگەکانی هەڵبژاردنی پەرلەمانی عێراق دەکەن، کە بڕیارە لە بارەگای سەرەکیی کۆمسیۆن لە بەغدا، بەدەست بژمێردرێنەوە.
له‌م باره‌وه چەند سەرچاوەیەک بە رۆژنامەی "ئەلعەرەبی جەدید"یان راگەیاندووه، كه ئەنجوومەنی باڵای دادوەریی عێراق بانگهێشتی ژمارەیەک سەرۆک دادگاکانی کردووە بۆ سەرپەرشتیکردنی پرۆسەی بەدەست ژماردنەوەی دەنگەکان، کە 10 هەزار کەس پرۆسەی ژماردنەوەی ده‌نگى 10 ملیۆن كه‌س بەدەست ئەنجام دەدەن.
کۆمێنت (0)
تا ئێستا هیچ کۆمێنتێک نەکراوە.