هه‌روه‌ك چۆن پێویستمان به ئاو و هه‌وا و خۆراك هه‌یه ، خه‌ویش به هه‌مان شێوه پێویستییه‌كی زۆرمان پێیه‌تی ،چونكه له كاتی خه‌وتندا ته‌واوی ئه‌و بیركردنه‌وه و باره گرژانه‌ی به درێژایی رۆژ بیرمان سه‌رقاڵ ده‌كه‌ن و ئه‌و زانیاریانه‌ی به‌ده‌ستمان هێناون یه‌كه یه‌كه هه‌ڵده‌سه‌نگێنرێنه‌وه و ه‌زموونه‌كانی رۆژانه له یادگه‌دا جێگیر ده‌كرێن .
له كاتێكدا خانه‌كانی مێشكمان به درێژایی رۆژ وزه‌ی پێویست بۆ بۆ رۆژێكی ته‌واو كۆده‌كه‌نه‌وه ،كۆئه‌ندامی به‌رگریشمان چالاك ده‌بێت ، هه‌روه‌ها گه‌شه‌و نۆژه‌نكردنه‌وه‌ی جه‌سته‌شمان هه‌ر له كاتی خه‌ودا به ه‌نجام ده‌گه‌یه‌نرێت .
هه‌ر بۆسه ئارامی و رێژه‌ی ته‌واوی خه‌وتنمان كه نزیكه‌ی سێیه‌كی ژیانمان بۆ خۆی ده‌بات ، گرنگییه‌كی ئه‌وتۆی هه‌یه بۆ ئه‌وه‌ی ژیانێكی ته‌ندروست ببه‌ینه سه‌ر .
درێژی ماوه‌ی خه‌وتن به پێی كه‌سه‌كان و ته‌مه‌نیان ده‌گۆرێت ،بۆ كه‌سێكی پێگه‌یشتوو تێكرا (6 بۆ 8 ) كاتژمێر به‌سه ، به‌ڵام منداڵان پێویستییه‌كی زیاتریان به خه‌و هه‌یه ، ئه‌گه‌ر نا به پێچه‌وانه‌وه مندالان به پێی پێویست سوود له‌م هۆرمۆنانه‌ی گه‌شه‌سه‌ندن وه‌رناگرن كه له كاتی خه‌ودا ده‌رده‌درێن .
هه‌ر بۆیه خه‌و خه‌ڵات و به‌خششێكه به مرۆڤه‌كان به‌خشراوه .
کۆمێنت (0)
تا ئێستا هیچ کۆمێنتێک نەکراوە.