به‌هۆى ترس له‌تێک چوونى ڕه‌وشی به‌غدا ، ده‌یان فلات له‌که‌رکوک ئاماده‌کراون بۆ گواستنه‌وه‌ى چه‌که‌ قورسه‌کان بۆ ئه‌و شاره‌

دوای ڕووداوه‌كانى شازده‌ى ئۆكتۆبه‌ر و هاتنى هێزه‌ میلیشیاكانى شیعه‌ بۆ سنوری كه‌ركوك و هێزه‌كانى عێراقى ، به‌هاوكارى چه‌ند به‌رپرسێك له‌یه‌كێـتى نیشتیمانى كوردستان  به‌هاتنى ئه‌و هێزانه‌  بۆ سنوری كه‌ركوك و ناوچه‌كه‌ زۆرێك له‌خاكى كوردستان له‌ده‌ست درا . 
له‌ئێستادا به‌هۆى هه‌ڵبژاردنى ئه‌نجومه‌نى نوێنه‌رانى عێراق و ته‌واو بوونى پرۆسه‌كه‌ ، به‌شێك له‌لایه‌نه‌ شیعه‌ عێراقیه‌كان و لایه‌نه‌كانى دیكه‌ به‌هۆى قه‌بوڵ نه‌كردنى ده‌رئه‌نجامه‌كانى هه‌ڵبژاردنى ئه‌نجومه‌نى نوێنه‌ران ، مه‌ترسی تێك چوونى ڕه‌وشى به‌غدا له‌ئارادایه‌ و حكومه‌تى عێراق ترسى لێنیشتووه‌ له‌ئاڵۆزبوونى باری ئاسایش له‌به‌غدا.  

له‌دوای ئه‌و ڕه‌وشه‌ى هه‌یه‌ له‌ئێستادا له‌عێراق ده‌گوزه‌رێ و ترسى تێك چوونى بارودۆخه‌كه‌ ،  حكومه‌تى عێراق ده‌یان فلاتى له‌سنورى كه‌ركوك ئاماده‌كردووه‌ بۆ گواستنه‌وه‌ى تانك و زرێپۆس و  چه‌كه‌ قورسه‌كان بۆ به‌غدا و ده‌وروبه‌رى كه‌له‌شازده‌ى ئۆكتۆبه‌ر ئه‌م چه‌ك و هێزانه‌ رووبه‌رووی كورد بوونه‌وه‌ و به‌شێكى خاكى كوردستانیان داگیر كرد ،  له‌ئێستاشدا ئه‌و فلاتانه‌ له‌بازگه‌ى مه‌فره‌قى تكریت كه‌ركوك داخل بوونه‌ له‌چاوه‌ڕوانى گواستنه‌وه‌ى چه‌كه‌ قورسه‌كان دان  

شوان عه‌زیز