ئەمڕۆ چوارشەممە 30\5\2018، قایمقامی قەزای ناوەندیی هەولێر، لە راگەیاندراوێکدا لە پەیجی تایبەتیی خۆی، لە تۆڕی کۆمەڵایەتیی (فەیسبووک)، بڵاوی کردووەتەوە، کە لە ڕێککەوتی 29/5/2018، لێژنەی پشکنین و چاودێری بازاڕ، بە سەرپەرشتیی قایمقامی قەزای ناوەندیی هەولێرو سەرۆکی لێژنە بەدواداچوون بۆ 14 چێشتخانە، کافتریا، خواردنگە، شیرنەمەنی و نانەواخانە لەسەنتەری شاری هەولێر لەسەر سکاڵای هاووڵاتییان ئەنجام درا.
قایمقامی قەزای ناوەندیی هەولێر، لەو راگەیاندراوەدا، ئەوەشی خستووەتەڕوو، کە مەبەست لەم سەردانانەی لێژنەی پشکنین بەدواداچوونە بۆ دلنیابوون لەهەبوونی ڕێنماییەکان و هەبوونی مۆلەت و کارتی تەندروستی، ئەو شوێنانەی پێچەوانەی ڕێنماییەکانی تەندروستی، ڤێتێرنەری و چاودێری بازرگانی بن کاردانەوەی یاساییان بەرامبەر دەکرێت.
ئاشکراشی کردووە، کە بەهۆی نەبوونی مۆلەتی تەندروستی و سەرپێچی ڕێنماییەکانی تەندروستی، ساردەمەنییەک و دوو شیرنەمەنی داخران.
کۆمێنت (0)
تا ئێستا هیچ کۆمێنتێک نەکراوە.