سه‌رۆكوه‌زیرانی عێراق ره‌خنه له نوری مالیكی ده‌گرێت و رایده‌گه‌ێنێ، هه‌ندێك له فڕاكسیۆنه‌كان خۆیان به‌دوور ده‌گرن و سیاسه‌ت ناكه‌ن، ئه‌مه حكوومه‌ت به‌ڕێوه‌بردنێكی هه‌ڵه‌یه، هه‌ر له‌به‌ر ئه‌و چه‌قبه‌ستوویه بوو داعش هاته ناو وڵاته‌كه‌مان سێ یه‌كی داگیر كرد.
حه‌یده‌ر عه‌بادی، سه‌رۆكوه‌زیرانی عێراق و سه‌رۆكی لیستی نه‌سر ده‌ڵێت: بۆ پێكهێنانی حكوومه‌ت له‌گه‌ڵ ته‌واوی پارته براوه‌كانی هه‌ڵبژاردن كۆده‌بینه‌وه.
هه‌روه‌ها عه‌بادی ره‌خنه‌ی له نوری مالیكی سه‌رۆكوه‌زیرانی پێشوتری عێراق گرت كه دژی حكوومه‌تی زۆرینه‌یه و گوتی: هه‌ندێك له فڕاكسیۆنه‌كان خۆیان به‌دوور ده‌گرن و سیاسه‌ت ناكه‌ن، ئه‌مه حكوومه‌ت به‌ڕێوه‌بردنێكی هه‌ڵه‌یه، هه‌ر له‌به‌ر ئه‌و چه‌قبه‌ستوویه بوو داعش هاته ناو وڵاته‌كه‌مان سێ یه‌كی داگیر كرد.
گوتیشی: له‌و باوه‌ڕه‌یه دام به پێچه‌وانه‌ی جاری پێشوو ئه‌مجاره حكوومه‌ت له ماوه‌یه‌كی كه‌م پێكبهێندرێت.
سه‌رۆكی لیستی نه‌سر راشیگه‌یاند : ده‌بێت ئه‌وه‌ش بزانن كه ره‌تكردنه‌وه‌ی هه‌ڵبژاردنه‌كان له به‌رنامه‌ی ئێمه‌دا نییه.
ئه‌م لێدوانه‌ی حه‌یده‌ر عه‌بادی له میانی كۆنگره‌ی رۆژنامه‌وانی هه‌فتانه‌دا بوو .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.