دەزگای خێرخوازیی بارزانی لە درێژەی کار و چالاکییەکانیدا بە بۆنەی مانگی ڕەمەزان، پارسێلی خۆراک و پێداویستیی ناوماڵی پێشکەش بە 300 خێزانی ھەژار و زیانمەندانی لافاو لە شاری سۆران و دەوروبەری کرد.
ئەمڕۆ دووشەممە 21/5/2018، تیمێکی دەزگای خێرخوازیی بارزانی بە مەبەستی ھاوکاریکردنی کەمدەرامەتان و زیانلێکەوتوانی لافاو گەیشتە شارەدێی دیانە لە شاری سۆران.
لە پرۆژەکەدا پارسێلی خۆراک، دوو بەتانی، ڕادیۆ، سێتی مەتبەخ و چەند پێداویستییەکی دیکەی پێشکەش بە 150 خێزانی ھەژار و کەمدەرامەت لە شارەدێی دیانە کرا، دواتر پێداویستییەکان پێشکەشی 150 خێزانی دیکەی سۆران و دەوروبەری کرا، کە بەھۆی لافاوەوە زیانمەند بوون.
کۆمێنت (0)
تا ئێستا هیچ کۆمێنتێک نەکراوە.