مەکگۆرک دێته‌ سلێمانى و له‌گه‌ڵ شه‌ش لایه‌نه‌که‌ کۆبوونه‌وه‌ ئه‌نجام ده‌دات

بڕیاره‌ ئه‌مڕۆ دووشه‌ممه‌، برێت مه‌كگۆرك بێته‌ سلێمانى ، سه‌ردانى هه‌ریه‌ك له‌ لایه‌نه‌كانى بزووتنه‌وه‌ى گۆڕان ،  یه‌كگرتووى ئیسلامى ، هاوپه‌یمانى ، كۆمه‌ڵى ئیسلامى - نه‌وه‌ى نوێ - حزبی شیوعى بكات 

ئامانج له‌سه‌ردانه‌كه‌ى برێت مه‌كگۆرگ بۆ لای شه‌ش لایه‌نه‌كه‌ بۆ ئه‌وه‌یه‌  كه‌ بایكۆتى پرۆسه‌ى سیاسى عێراق نه‌كرێت له‌لایه‌ن ئه‌و لایه‌نانه‌وه‌ ، نوێنه‌رى تایبه‌تى تڕه‌مپ په‌یامێك ده‌دات پێیان كه‌به‌شداربن له‌پرۆسه‌ى سیاسی داهاتووی عێراق

سه‌ردانه‌كه‌ى مه‌كگۆرك بۆ سلێمانى دوای ئه‌وه‌ دێت كه‌شه‌ش لایه‌نه‌كه‌ گه‌یشتونه‌ته‌ بڕیارێك كه‌بیده‌ن بایكۆتى پرۆسه‌ى سیاسى و به‌شدار نه‌بوون له‌گۆڕه‌پانى سیاسی عێراق ، ئه‌مه‌ش له‌دوای ئه‌و ساخته‌كارییه‌ى كرا له‌سلێمانى و هه‌له‌بجه‌ و كه‌ركوك له‌به‌رامبه‌ر لایه‌نه‌ كوردستانیه‌كان ، كه‌زۆرینه‌ى ده‌نگه‌كان بۆ لایه‌نێك ڕۆیشت و ده‌نگى ڕاسته‌قینه‌ى لایه‌نه‌كان له‌سنورى پارێزگاى سلێمانى نه‌درایه‌وه‌ ئه‌مه‌ش به‌ئامانجى ده‌رنه‌چوونى كاندیدانیان و به‌ده‌ست نه‌هێنانى كورسى په‌رله‌مان

ئه‌مریكیه‌كان ده‌یانه‌وێت سه‌رجه‌م لایه‌نه‌كان به‌شداربن له‌پرۆسه‌ى سیاسی داهاتووى عێراق ، به‌یه‌كه‌وه‌ سه‌رجه‌م لایه‌نه‌كان چاره‌سه‌رى كێشه‌كان بكه‌ن ، بۆیه‌ مه‌كگۆرگ له‌كۆبوونه‌وه‌ى له‌گه‌ل لایه‌نه‌كان ئه‌و په‌یامه‌ ده‌دات پێیان كه‌حكومه‌تى ئه‌مریكا له‌گه‌ل بایكۆتى هیچ لایه‌نێكى سیاسی دانیه‌ كه‌به‌شدار نه‌بێت له‌داهاتووى عێراقێك كه‌بتوانێ چاره‌سه‌رى كێشه‌كان بكات