نزیكەی كاتژمێر ١٢ی شەوی ڕابردوو بە كاتی ئەفغانستان ، 3 تەقینەوە لە یاریگایەكی كریكێتی ویلایەتی نەنگەرهار ڕوویدا و بەهۆیەوە 8 كەس كوژران و ٤٣ كەسی دیكەش بریندار بوون.
بەپێی ماڵپەڕی بی بی سی تەقینەوەكان لە كاتی بەڕێوەچوونی یارییەكانی كریكێتی خولی ڕەمەزان ڕوویانداوە.
بەڕێوەبەری تەندروستی ویلایەتی نەنگەرهار ڕایگەیاندووە، باری تەندروستی ٧ لە بریندارەكان ناجێگیرە.
تا ئێستاش هیچ گروپ و لایەنێك بەرپرسیارێتی ئەو هێرشەی لە ئەستۆ نەگرتووە.
شایانی باسە هەفتەی ڕابردوو گروپێكی چەكدار هێرشیانكردە سەر نوسینگەی حاكمی ویلایەتی نەنگەرهار و بەوهۆیەشەوە ١٠ كەس كوژران و ٣٦ ی دیكەش بریندار بوون، دواتر ڕێكخراوی داعش لە ئەفغانستان بەرپرسیارێتی هێرشەكەی خستە ئەستۆی خۆی .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.