سێ سه‌رۆكایه‌تی عێراق لێژنه‌یه‌كیان بۆ ده‌رخستنی راستییه‌كان سه‌باره‌ت به هه‌ڵبژاردنه‌كانی كه‌ركوك پێكهێناوه‌و رۆژی دووشه‌ممه ده‌گه‌نه شاره‌كه.
به پێی سه‌رچاوه‌یه‌كی نزیك له رووداوه‌كان سێ سه‌رۆكایه‌تی عێراق لێژنه‌یه‌كیان بۆ ده‌رخستنی راستییه‌كان سه‌باره‌ت به هه‌ڵبژاردنه‌كانی كه‌ركوك پێكهێناوه‌و رۆژی دووشه‌ممه لێژنه‌كه ده‌گه‌نه شاره‌كه و ده‌ست به لێكۆڵینه‌وه‌كانیان ده‌كه‌ن.
سه‌رچاوه‌كه به میدیا عێراقییه‌كانی راگه‌یاندووه: دوای ئه‌وه‌ی سێ سه‌رۆكایه‌تییه‌كه‌ی عێراق سكاڵای كوتله سیاسییه‌كان و لیسته‌كانی هه‌ڵبژاردنیان سه‌باره‌ت به ئه‌نجامدانی ساخته‌كاری له هه‌ڵبژاردنه‌كانی شاری كه‌ركوك به هه‌ند وه‌رگرت، لێژنه‌یه‌كیان بۆ ده‌رخستی راستییه‌كان بۆ ئه‌م مه‌به‌سته پێك هێناوه‌و رۆژی دووشه‌مه لێژنه‌كه سه‌ردانی كه‌ركوك ده‌كه‌ن و ده‌ست به لێكۆڵینه‌وه‌كانیان ده‌كه‌ن.
گوتیشی:كوتله سیاسییه‌كان 24 كاتژمێر مۆڵه‌تیان داوه‌ته كۆمسیۆن بۆ ئه‌وه‌ی له رێگانی ژماردن به ده‌ست ئه‌نجامه راستییه‌كانی هه‌ڵبژاردن رابگه‌ێنێ.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.