ئه‌ندامێكی بزووتنه‌وه‌ی گۆڕان رایده‌گه‌ێنێ، پێشمه‌رگه دێرینه‌كانی سه‌ر به به‌بزووتنه‌وه‌ی گۆڕان كۆده‌بنه‌وه‌و بڕیاری ئه‌و هێرشه ده‌ده‌نه‌وه‌و له‌وانه‌شه بیر له دروستكردنی هێزی چه‌كداری بكه‌نه‌وه.
سالار تاوه‌گۆزی، ئه‌ندامی بزووتنه‌وه‌ی گۆڕان به پێگه‌ی به‌غداد ئه‌لیۆمی راگه‌یاندووه: ئه‌و هێرشه چه‌كدارییه‌ی كرایه بزووتنه‌وه‌ی گۆڕان له شاری سلێمانی بۆ ئه‌وه بووه كه رای گشتی بشێوێنن و خه‌ڵكی و راگه‌یاندنه‌كان به‌وه سه‌رقاڵ بكه‌ن، تا ئه‌و ساخته‌كارییه‌ی كه یه‌كێتی له هه‌ڵبژاردنه‌كان كردۆیه‌تی، بیریان بچێته‌وه.
هه‌روه‌رها گوتی: بزووتنه‌وه‌ی گۆڕان له دادگای فیدراڵی سكاڵا تۆمار ده‌كات و هه‌موو ئه‌و به‌ڵگانه ده‌خاته روو كه یه‌كێتی له هه‌ڵبژاردنه‌كان ساخته‌ی تێدا كردووه.
گوتیشی: پێشمه‌رگه دێرینه‌كانی سه‌ر به به‌بزووتنه‌وه‌ی گۆڕان كۆده‌بنه‌وه‌و بڕیاری ئه‌و هێرشه ده‌ده‌نه‌وه‌و له‌وانه‌شه بیر له دروستكردنی هێزی چه‌كداری بكه‌نه‌وه.
شه‌وی رابردوو میدیای گۆڕان رایگه‌یاند كه به‌فه‌رمانی لاهور شێخ جه‌نگی و به‌چه‌كی قورس هێرش كراوه‌ته سه‌ر باره‌گای سه‌ره‌كی بزووتنه‌كه له‌گردی زه‌رگه‌ته .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.