به‌ڤیدیۆ.. مالیکی راستی پێکهێنانی هاوپه‌یمانییه‌تییه‌کی نهێنی له‌گه‌ڵ حه‌یده‌ر عه‌بادی ئاشکرا ده‌کات

نوری مالیكی،  سه‌رۆكی هاوپه‌یمانی ده‌وڵه‌تی یاسا ئاشكرای كرد كه‌ به‌ڵگه‌نامه‌یه‌ك له‌گه‌ڵ حه‌یده‌ر عه‌بادی، سه‌رۆكی هاوپه‌یمانی نه‌سر واژۆ كراوه‌ بۆ ئه‌وه‌ی دوای هه‌ڵبژاردنه‌كان هاوپه‌یمانییه‌ك پێك بهێنن و ئه‌نجامه‌كان تێكه‌ڵ بكرێن.

نوری مالیكی له‌ دیدارێكی ته‌له‌فزیۆنیدا رایگه‌یاند:بریاره‌كه‌ له‌لایه‌ن حزبی ده‌عوه‌ دراوه‌ بۆ ئه‌وه‌ی ئه‌نجامه‌كانی هه‌ڵبژاردن و هاوپه‌یمانییه‌تییه‌كه‌ تێكه‌ڵ بكرێن و ئه‌مه‌ش له‌ به‌ڵگه‌نامه‌یه‌كدا له‌لایه‌ن عه‌بادی واژۆ كراوه‌و هیوادارین جێبه‌جێ بكرێت .

هه‌روه‌ها گوتیشی: به‌شداریكردنی حزبی ده‌عوه‌ به‌ دوو لیست رێوشوێنی هه‌ڵبژاردن بووه‌، بۆ ئه‌وه‌ی حزب بتوانێ به‌شداری له‌ هه‌ڵبژاردنه‌كان بكات.

پێشتر حه‌یده‌ر ره‌تیكردبۆوه‌ كه‌ هیچ رێككه‌وتنێك له‌ نێوان ئه‌م و نوری مالیكیدا هه‌بێت بۆ پێكهێنانی گه‌وره‌ترین فراكسیۆن له‌ دوای هه‌ڵبژاردنه‌كان.

ئاماده‌كردنی: رزگار