له‌یاریه‌كى دواخراو له‌هه‌فته‌ى 34ى خولى پله‌یه‌كى ئیسپانیا ، ئه‌مڕۆ چوارشه‌ممه كاتژمێر 9:00 شه‌و به‌كاتى هه‌ولێر بارسێلۆنا میواندارى ڤیاریال ده‌كات .
ئێواره‌ى ئه‌مڕۆ سێشه‌ممه ڤالڤێردى راهێنه‌رى بارسێلۆنا له‌كۆنگره‌یه‌كى ڕۆژنامه‌وانیدا ئه‌م چه‌ند لێدوانانه‌ى دا بۆ ڕۆژنامه‌نووسان :
ڤاڤێردى : ئامانجمان بردنه‌وه‌ى سه‌رجه‌م یاریه‌كانى داهاتووه له‌لالیگادا ، له‌پێناو تۆمار نه‌كردنى هیچ یاریه‌كى شكست كه‌دووچارمان بێت له‌م وه‌رزه‌دا ، بۆ ئه‌وه‌ى پاڵه‌وانى بوونمان بكه‌ین به‌مێژوویه‌ك كه‌به‌بێ شكست به‌ده‌ستمان هێنا .
ڤاڤێردى :وێڕاى ئه‌وه‌ى ئێمه ده‌مانه‌وێت له‌سه‌ركه‌وتنه‌كانمان به‌رده‌وام بین ، به‌ڵام ڤیاریال ئاستێكى به‌رز نیشانده‌دات له‌م وه‌رزه‌دا ، ئه‌وان هه‌وڵی سه‌ركه‌وتن ده‌ده‌ن له‌به‌رامبه‌رمان به‌و ئامانجه‌ى بتوانن بگه‌ن به‌خولى یانه پاڵه‌وانه‌كانى ئه‌وروپا
ڤالڤێردى له‌ئاستى یانه‌كه‌م ڕازیم له‌م وه‌رزه‌دا ، به‌ڵام له‌یاریمان له‌به‌رامبه‌ر ڕۆما پێى نیگه‌رانم به‌و شكسته‌ى دووچارمان هات كه‌بووه ماڵئاوایمان له‌چامپیۆنس لیگ و له‌ڕكابه‌رى له‌سه‌ر نازناوه‌كه دوركه‌تینه‌وه
ڤالڤێردى له‌باره‌ى میسیه‌وه ڕایده‌گه‌یه‌نێت : هیوام وایه میسى بتوانێت خه‌ڵاتى پێڵاوى زێڕین بباته‌وه
له‌به‌شێكى دیكه‌ى وته‌كانى ڕاهێنه‌رى بارسێلۆنا له‌باره‌ى دیمبڵی ڕایگه‌یاند : ناوبراو توانایه‌كى باشى هه‌یه ، وه‌رزێكى باشى له‌گه‌لمان به‌ڕێكردووه ، چاوه‌ڕێ ده‌كه‌ین وه‌رزى داهاتوو باشتر بێـت بۆمان
له‌سه‌ر ڕێڕه‌وى ڕێزلێنان بۆ بارسێلۆنا له‌و چه‌ند یاریه‌ى ماوه بۆیان ئه‌نجام بدرێت ، ڤالڤێردى ڕایگه‌یاند : قسه له‌سه‌ر ڕێڕه‌و ناكه‌م ئه‌و باسه لاى من كۆتایی هاتووه
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.