کاندیدێکى عه‌ره‌ب له‌ که‌رکوک به‌هۆى خراپى بارى ئه‌منى شاره‌که‌ ده‌ستى له‌کارکێشایه‌وه‌

كاندیدێكى عه‌ره‌ب له‌سه‌ر لیستى هاوپه‌یمانى ته‌مه‌ودن له‌شارى كه‌ركوك ، ده‌ستى له‌كاركێشایه‌وه‌ له‌سه‌ر كاندید بوونى له‌و لیسته‌ ،  سه‌وسه‌ن فاروق ئه‌لبه‌یاتى له‌گرته‌ ڤیدیۆیه‌كدا دا كه‌بڵاوى كردووه‌ته‌وه‌ ڕایده‌گه‌یه‌نێت له‌سه‌ر ئه‌م هۆكارانه‌ ده‌ست  له‌كارده‌كێشمه‌وه‌ له‌كاندید بوونم بۆ هه‌ڵبژاردنه‌كانى عێراق : به‌هۆى سیاسه‌تێكى فاشیل له‌شارى كه‌ركوك كه‌ئێستا لایه‌نه‌ عێراقیه‌كان و به‌ڕێوه‌به‌رانى كارگێرى له‌پارێزگاكه‌ په‌یڕه‌وى ده‌كه‌ن كه‌له‌خزمه‌تى شارو هاوڵاتیاندا نیه‌ ده‌ست له‌كار ده‌كێشمه‌وه‌ ، خاڵێكى دیكه‌ له‌سه‌ر ده‌ست له‌كار كێشانه‌وه‌م كه‌ركوك بارى ئاسایشى تێیدا ئارام نیه‌ ، سه‌رو ماڵى هاوڵاتیانمان پارێزراو نیه‌ ، وه‌ هیچ لایه‌نێك كه‌له‌ئێستادا له‌شارى كه‌ركوك بانگه‌شه‌ى هه‌ڵبژاردن ده‌كات له‌پێناوى خه‌ڵك هه‌وڵنادات ، وه‌كاره‌كان ناچێته‌ خزمه‌تى به‌رژه‌وه‌ندى گشتى ، وه‌ بۆشایه‌كى  ئه‌منى و سه‌ربازى له‌ناوچه‌كه‌دا هه‌یه‌ كه‌ده‌روونى هاوڵاتیان تێیدا ئارام نیه‌ 

شوان عه‌زیز