سه‌رۆكی ئه‌نجومه‌نی پارێزگای سلێمانی رایده‌گه‌ێنێ، هه‌موو هه‌وڵه‌كانی خۆمان ده‌خه‌ینه‌گه‌ڕ هاوشێوه‌ی پارێزگاكانی عێراق به‌نزین بۆ پارێزگای سلێمانی له‌به‌غداوه دابین بكرێت.
ئازاد محه‌مه‌د، سه‌رۆكی ئه‌نجومه‌نی پارێزگای سلێمانی ڕاگه‌یاندووه: دوای گۆڕانكاریی له‌كابینه‌ی حكومه‌ت و پێكهێنانه‌وه‌ی هه‌یكه‌لی نوێی وه‌زاره‌تی نه‌وت و ده‌ستبه‌كاربونی وه‌زیری نوێ له‌و وه‌زاره‌ته، هه‌موو هه‌وڵه‌كانی خۆمان ده‌خه‌ینه‌گه‌ڕ كه پێویسته نرخی به‌نزین له‌پارێزگای سلێمانی بكرێته 450 دینارو هاوشێوه‌ی پارێزگاكانی عێراق به‌نزین بۆ پارێزگای سلێمانی له‌به‌غداوه دابین بكرێت.
ده‌شڵێ: سه‌ره‌تای هه‌نگاوه‌كانمان له‌ڕێگه‌ی ناردنی نووسراوێكه‌وه ده‌بێت بۆ وه‌زاره‌تی نه‌وتی عێراق كه داوای لێده‌كه‌ین ڕه‌زامه‌ندی له‌وباره‌یه‌وه ده‌رببڕێت و دوای ئه‌وه‌ش هه‌موو هه‌وڵێكی دیكه‌ی خۆمان ده‌خه‌ینه‌گه‌ڕ.
سه‌رچاوه/ ئێس ئێن ئێن
کۆمێنت (0)
تا ئێستا هیچ کۆمێنتێک نەکراوە.