دوای لێدوانه‌كانى به‌رپرسانى یه‌كێتى نیشتیمانى كوردستان ، له‌سه‌ر پێدانه‌وه‌ى پۆستى پارێزگاری سلێمانى به‌یه‌كێتى ، كه‌له‌ئێستادا هه‌ڤاڵ ئه‌بوبه‌كر له‌بزووتنه‌وه‌ى گۆڕان له‌و پۆسته‌دایه ، یه‌كێتى نیشتیمانى كوردستان له‌دواین لێدوانى له‌زاری مه‌لا به‌ختیاره‌وه ڕایگه‌یاندووه : پۆستى پارێزگا له‌گۆڕان وه‌رده‌گرینه‌وه ، گۆڕان به‌فه‌رمى وه‌ڵامی یه‌كێتى و به‌رپرسانى ئه‌و حزبه ده‌داته‌وه .
دانا عه‌بدولكه‌ریم به‌رپرسى ژوورى حكومه‌ت و په‌رله‌مان ڕایده‌گه‌یه‌نێت ، یه‌كێتى داوای ئه‌و پۆسته‌ى له‌ئێمه نه‌كردووه ، وه‌داواشى بكه‌ن پێیان ناده‌ینه‌وه ، وه‌ئه‌و مافه‌شیان نیه داوای بكه‌نه‌وه
ئه‌و به‌رپرسه‌ى گۆڕان ڕاشیگه‌یاند ، ئێمه ڵه‌گه‌ڵ یه‌كێتى نیشتیمانى كوردستان ڕێكه‌وتنى سیاسیمان هه‌یه بۆ دابه‌شكردنى پۆستى پارێزگار له‌ماوه‌ى له‌نێوان دوو هه‌لبژاردندا و به‌نیوه‌ى ئیستا پۆستى پارێزگار لاى ئێمه بێت.
ئه‌و به‌رپرسه‌ى گۆڕان ڕاشیده‌گه‌یه‌نێت ، یه‌كێتى دووساڵ و نیو پۆستى پارێزگارى لابووه ، نوێنه‌رى ئێمه سه‌ردار قادر بۆ چه‌ند مانگێك به‌وه‌كاله‌ت له‌و پۆسته‌دابووه ، دواتر هه‌ڤاڵمان كردووه‌ته پارێزگار
له‌كۆتادا دانا عه‌بدولكه‌ریم ڕایده‌گه‌یه‌نێت : گه‌ر هه‌ڵبژاردن نه‌كرێت ئه‌وا به‌كۆبوونه‌وه‌ی سیاسی بڕیارى تازه ده‌ده‌ین
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.