به‌هۆی ده‌ستکاریکردنی مین هاووڵاتییه‌ک گیانی له‌ده‌ستدا

به‌هۆی ده‌ستكاری مین له‌ سنوری قه‌زای چۆمان له‌ چیای گرده‌مه‌ند كه‌سێك گیانی له‌ده‌ستدا.

نه‌قیب شه‌ریف عه‌لی، ئه‌فسه‌ری ئێشكگر له‌ به‌شی پۆلیسی چۆمان به‌ كوردستان تی ڤی راگه‌یاند: هاوڵاتیه‌كه‌ ناوی ( حه‌یده‌ر حه‌سه‌ن شوان) دانیشتووی چۆمانه‌ و كاتژمێر چواری ئێواره‌ به‌هۆی ده‌ستكاری مینی جۆری ڤاڵمارا ده‌ستبه‌جێ گیانی له‌ده‌ستداوه‌.

گوتیشی: هاوڵاتییه‌كه‌ ۳۸ ساڵه‌ و خێزانداره‌ و خاوه‌نی ٤ منداڵه‌ و دوای هێنانه‌وه‌ی ته‌رمه‌كه‌ی له‌لایه‌ن پۆلیسه‌وه‌ بۆ نه‌خۆشخانه‌ی چۆمان، ته‌رمه‌كه‌ بۆ توێكاری ڕه‌وانه‌ی پزیشكی دادی له‌ سۆران كرا و په‌ڕاوی لێكۆڵینه‌وه‌ش بۆ ڕووداوه‌كه‌ كراوه‌ته‌وه‌.