به‌رپرسێکى کورد له‌به‌غدا ده‌ڕفێندرێت

به‌شار مسته‌فا  خه‌ڵكى شارى دهۆك ، كه‌سایه‌تى دیارى وه‌رزشى كوردستان و عێڕاق، ناوبراو له‌پشكى كورد له‌پۆستى جێگرى سه‌رۆكى لێژنه‌ى ئۆلۆمپى عێراق و سه‌رۆكى یه‌كێتى كیك بۆ كسینگى عێراقه‌ ، ئه‌مڕۆ سێشه‌ممه‌ له‌ڕێگاى كه‌ربه‌لا - به‌غدا له‌لایه‌ن ژماره‌یه‌ك چه‌كدارى نه‌ناسراو ڕفێندراوه‌ .
به‌شار مسته‌فا دوای ڕفاندنى تا ئێستا سۆراغى دیار نیه‌ ، له‌لایه‌ن كام گروپ و هێزى چه‌كدار بردراوه‌ به‌ره‌و شوێنى نادیار . 
به‌شار مسته‌فا بۆ جارى دووه‌مه‌ له‌لایه‌ن چه‌كدارانى نه‌ناسراو ده‌ستگیر ده‌كرێت پێشووتر له‌سالى 2009 ڕفێندراوه‌  ، ئه‌مڕۆ سێشه‌ممه‌  بۆ جارێكى دیكه‌ جێگرى سه‌رۆكى لێژنه‌ى ئۆلۆمپى عێراق كه‌پۆسته‌كه‌ پشكى كورده‌ ده‌ڕفێندرێت ، به‌شار مسته‌فا  بۆ پرسه‌ى یه‌كێك له‌ئه‌ندامانى یه‌كێتى كیك بۆكسینگى عێراق سه‌ردانى كه‌ربه‌لاى كردبوو له‌ڕێگا له‌كاتى هاتنه‌وه‌ى بۆ به‌غدا  له‌لایه‌ن گروپى نه‌ناسراو ده‌ڕفێندرێت