ئه‌مڕۆ دووشه‌ممه له‌میانى به‌ڕێوه‌چوونى مه‌ڕاسیمى دانانى به‌ردى بناغه‌ى كونسوڵخانه‌ى گشتى ئه‌مریكا له‌هه‌ولێر ، دۆگلاس سلێمان باڵێوزى ئه‌مریكا ئاماده‌ى مه‌ڕاسیمه‌كه بوو ڕایگه‌یاند : ئه‌مڕۆ له‌هه‌ولێر له‌هه‌رێمى كوردستان له‌ژێر سێبه‌رى چیاكان كه‌ناوچه‌یه‌كى ئارامى سنوره‌كه‌یه به‌ردى بناغه‌ى گشتى كونسوڵخانه‌ى ئه‌مریكا داده‌نێین .
دۆگلاس له‌وتاره‌كه‌یدا ڕایده‌گه‌یه‌نێت : ده‌مانه‌وێت هه‌رێمى كوردستان به‌به‌هێزى ببینین ، وه‌من زۆر به‌كوردستان و خه‌ڵكه‌كه‌ى پێى خۆشحاڵم ، وه‌دانانى پڕۆژه‌كه‌مان له‌هه‌ولێر بۆ خزمه‌تى خه‌ڵكى كوردستانه به‌ئاینده‌یه‌كى گه‌شه‌وه .
له‌به‌شێكى دیكه‌ى وتاره‌كه‌ى باڵێوزى ئه‌مریكا له‌عێراق ڕایگه‌یاند : په‌یوه‌ندیمان له‌گه‌ل هه‌رێمى كوردستان باشه و به‌هێزترى ده‌كه‌ین ، وه‌ئه‌و په‌یوه‌ندیه تازه نیه له‌گه‌ل كوردستان ، وه‌كارى هاوبه‌ش به‌یه‌كه‌وه ئه‌نجام ده‌ده‌ین بۆ سودمه‌ندی هه‌ردوولا .
له‌مه‌ڕاسیمى دانانى به‌ردى بناغه‌ى گشتى كونسوڵخانه‌ى ئه‌مریكا نێچیرڤان بارزانى سه‌رۆكى ئه‌نجومه‌نى وه‌زیرانى هه‌رێمى كوردستان ئاماده‌بوو له‌به‌شێكى وته‌كانى سه‌رۆك وه‌زیران ڕایگه‌یاند تێڕوانین و كاره‌كانى ئه‌مریكا له‌هه‌رێمى كوردستان به‌هه‌نگاوێكى گرنگ و مێژوویی له‌قه‌ڵه‌مى ده‌ده‌ین ، وه‌ڕاشیگه‌یاند په‌یوه‌ندى نێوان ئه‌مریكا و هه‌رێمى كوردستان له‌مێژینه‌یه له‌ساڵى 1991 ئه‌و په‌یوه‌ندیه تا ئێستا قۆناغى باشى بڕیوه ، وه به‌پڕۆژه‌كانى ئه‌مریكا له‌هه‌ولێر پێى خۆشحالین به‌كاره‌كانیان
ئه‌مڕۆ دووشه‌ممه له‌مه‌ڕاسێمكدا له‌شارى هه‌ولێر به‌ئاماده‌بوونى نێچیرڤان بارزانى سه‌رۆك وه‌زیرانى هه‌رێمى كوردستان و دۆگلاس سلێمان بالێوزى ئه‌مریكا له‌عێراق ، ئه‌مریكا له‌سه‌ر ئاستى ڕۆژهه‌ڵاتى ناوه‌ڕاست به‌ردى بناغه‌ى گه‌وره‌ترین كونسوڵخانه له‌سه‌ر ئاستى جيهان له‌شارى هه‌ولێر داینا
کۆمێنت (0)
تا ئێستا هیچ کۆمێنتێک نەکراوە.