حكومه‌تی ئه‌مریكا له به‌یاننامه‌یه‌كدا وێڕای ئیدانه‌كردنی پێشێلكارییه‌كانی مافی مرۆڤ له ژماره‌یه‌ك وڵات و له‌ناویاندا چین و رووسیا و ئێران و كۆریای باكوور، حكومه‌ته‌كانی ئه‌م وڵاتانه‌ی به هۆكاری ناسه‌قامگیریی له ئاستی نێوده‌وڵه‌تیدا هه‌ژمار كرد.
وه‌زاره‌تی ده‌ره‌وه‌ی ئه‌مریكا له راپۆرتی ساڵانه‌ی خۆیدا سه‌باره‌ت به بارودۆخی مافی مرۆڤ له ساڵی 2017، جه‌ختی كردووه‌ته سه‌ر ئه‌و ئاڵۆزییانه‌ی كه حكومه‌ته جۆراجۆره‌كان درووستیان كردووه و له راپۆرته‌كانی رێكخراوه جۆراوجۆره‌كانی مافی مرۆڤدا ئاماژه‌یان پێكردووه.
راپۆرته‌كانی چاودێری مافی مرۆڤ له ساڵی رابردوودا به‌تایبه‌تیی ئاماژه ده‌كه‌ن به پێشێل كردنی مافی ئافره‌تان و هه‌روه‌ها نه‌بوونی ئازادیی ره‌گه‌زیی له وڵاتانی چین و رووسیا و ئێران و كۆریای باكوور.
جۆن سالیوان كه به‌رپرسێكی پله‌باڵای وه‌زاره‌تی ده‌ره‌وه‌ی ئه‌مریكایه، رایگه‌یاندووه كه له‌سه‌ر بنه‌مای ستراتیژییه‌تی نوێی ئاسایشی نه‌ته‌وه‌یی ئه‌مریكا، گه‌نده‌ڵیی و میكانیزیمی لاوازی به‌ڕێوه‌به‌ریی وڵاتان، هۆكاری تێكچوونی باری ئاسایشی جیهان و به‌رژه‌وه‌ندییه‌كانی ئه‌مریكایه.
سه‌رچاوه / رادیۆ فه‌ڕه‌نسا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.