ئه‌مڕۆ پێنجشه‌ممه شاندێكی حكومه‌تی عێراق به سه‌رۆكایه‌تی مه‌هدی عه‌للاق نوێنه‌ری حه‌یده‌ر عه‌بادی سه‌رۆك وه‌زیرانی عێراق به‌شداریان له پرسه‌ی خوالێخۆشبێت دلۆڤان ئیدریس بارزانی كرد .
له دوای به‌شداریكردنی له پرسه‌ی خوالێخۆشبێت دلۆڤان ئیدریس بارزانی، مه‌هدی عه‌للاق نوێنه‌ری حه‌یده‌ر عه‌بادی سه‌رۆك وه‌زیرانی عێراق له لێدوانێكی رۆژنامه‌وانیدا رایگه‌یاند: ئەمڕۆ هاتووین بۆ پێشکەشکردنی پرسە و سەرەخۆشی بۆ ئەو خێزانە بەڕێزە و گەلەکەمان لە هەرێمی کوردستان، بەبۆنەی کۆچی دوایی دلۆڤان بارزانی، بەناوی بەڕێز سەرۆکوەزیرانی عێراق سەرخۆشی گەرمی خۆمان دەردەبڕین.
مه‌هدی عه‌للاق راشیگه‌یاند: من و بەڕێز مستەفا کازمی بەناوی هەموو حکومەتەوە هاتووین بۆ دەربڕینی پرسە و سەرەخۆشی، داوا لە خودای گەورە دەکەین بە بەهەشتی بەرینی شاد بکات .
هه‌روه‌ها لەبارەی پەیوەندییەکانی هەولێر و بەغدا، مەهدی عەلاق گوتی: پەیوەندییەکانی نێوان هەولێر و بەغدا لە بەرەوپێشچووندان، گفتوگۆکان لەبارەی بوارە جیاجیاکان بەردەوامن و بەرهەمیشیان هەبووە، وەک چارەسەرکردنی بابەتی دەروازە سنوورییەکان، کردنەوەی فڕۆکەخانەکان و بابەتی مووچە .
نوێنه‌ری حه‌یده‌ر عه‌بادی ئاماژەی بەوەشکرد، گفتوگۆ بۆ چارەسەرکردنی بابەتەکانی دیکەش هەیە و گەشبینن بەوەی بگەنە ئەنجامێکی باش.
کۆمێنت (0)
تا ئێستا هیچ کۆمێنتێک نەکراوە.