پێگه‌ى هۆسكۆردى جیهانى پێكهاته‌ى نمونه‌ی باشترین یاریزانان له‌یاریه‌كانى چوون له‌قۆناغى چاره‌گى كۆتایی خولى یانه پاڵه‌وانه‌كانى ئه‌وروپاى راگه‌یاند ، یارییه‌كانى چوون له‌م قۆناغه‌دا له‌دوو ڕۆژى رابردوو به‌ڕێوه‌چوو
لێڤه‌رپول پێنج یاریزانى له‌پێكهاته‌ى باشترین دایه له‌سه‌رووى هه‌مویانه‌وه ئه‌ستێره‌ى یانه‌كه محه‌مه‌د سه‌لاح دێت ، یانه‌ى ناوبراو پاش براوه‌بوونى به‌سه‌ر مانچسته‌ر سیتى به‌ئه‌نجامى سێ گۆلى بێ به‌رامبه‌ر وه‌نیشاندانى ئاستێكى باش له‌یارىان له‌به‌رامبه‌ر یانه‌كه‌ى گواردیۆلا ، هۆكارێكه یاریزانانى زۆرینه‌ى پێكهاته‌ی نمونه‌ییان پێك هێناوه له‌یاری چوون له‌قۆناغى هه‌شتى خولى یانه پاڵًه‌وانه‌كانى ئه‌وروپا .
دوای لێڤه‌رپول ریال مه‌درید سێ یاریزانى له‌پێكهاته‌ى باشترینه‌كاندایه له‌م قۆناغه ، ریال مه‌درید دوای براوه‌بوونى به‌سه‌ر یۆڤانتۆس به‌ئه‌نجامى سێ گۆلى بێ به‌رامبه‌ر یاریزانانى له‌پێكهاته‌ى نمونه‌یی هه‌فته‌ن ، كه‌له‌نێو باشترینه‌كان ڕۆناڵدۆ و مارسیلۆ بوونیان هه‌یه .
له‌پێكهاته‌ى باشترینه‌كان دوو یاریزانى بارسێلۆنا ده‌بیندرێن كه‌یه‌كیان یاریزان لیۆنێل میسى ئه‌ستێره‌ى یانه‌كه‌یه وێڕاى تۆمار نه‌كردنى هیچ گۆلێك له‌به‌رامبه‌ر رۆما ناوبراو ناوی له‌باشترین دایه . وه‌یانه‌ى بایرن میونشن دوای براوه‌بوونى به‌سه‌ر سێڤیا ته‌نیا یه‌ك یاریزانى له‌پێكهاته‌ى باشترین دایه .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.