وێستگه و مانگی ده‌ستكردی گه‌ردوونی تیانگۆنگی چینی كه ماوه‌یه‌ك بوو له ئه‌رك لادرابوو و وڵاتی چین پێشبینی كردبوو به‌مزووانه بكه‌وێته خواره‌وه، ببوو به مایه‌ی نیگه‌رانیی به‌شێكی زۆری ناوچه‌كانی جیهان، كه له‌م میانه‌یه‌دا باشووری كوردستانیش ئه‌و نیگه‌رانییه‌ی له‌سه‌ر بوو، به‌ڵام به‌گوێره‌ی دوایین هه‌واڵی ئاژانسه گه‌ردوونییه‌كانی جیهان ئه‌م وێستگه گه‌ردوونییه كاتژمێر 12:15 خوله‌كی ئه‌مشه‌و كه‌وتووه‌ته ناو ئاوه‌كانی زه‌ریای هێمن.
وه‌ك خه‌مڵاندنه‌كان پێشبینیی كرابوو كه وێستگه گه‌ردوونییه‌كه ئه‌مڕۆ بكه‌وێته خواره‌وه و هه‌ر بۆیه به‌شێك له ناوچه‌كانی ویلایه‌ته یه‌كگرتووه‌كان و وڵاتانی ناوچه‌ی ده‌وروبه‌ری باشووری كوردستان و عێراقیش ئه‌گه‌ری ئه‌و مه‌ترسییه نیگه‌رانی كردبوون.
به‌ڵام وه‌ك دیاره وێستگه‌كه دوای تێپه‌ڕین له به‌رگه هه‌وای زه‌ویی ئاگری گرتووه و دواییش پێده‌چێت له نزیك ئاوه‌كانی تاهیتی كه‌وتبێته‌وه ناو ئاوی زه‌ریای هێمن.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.