سوپاسالاری وه‌زاره‌تی پێشمه‌رگه رایده‌گه‌ێنێ،پێكهێنانی هێزێكی هاوبه‌ش له ناوچه دابڕێندراوه‌كان بۆته ئه‌مری واقیع، له‌به‌ر ئه‌وه‌ی چه‌كدارانی داعش له ده‌وروبه‌ری كه‌ركوك و موسڵ ده‌ستییان به جموجۆڵ كردۆته‌وه.
فه‌ریق جه‌مال ئیمنكی، سوپاسالاری وه‌زاره‌تی پێشمه‌رگه به سكای نیوزی راگه‌یاندووه: ئه‌مریكاو هێزه‌كانی هاوپه‌یمانان تێبینییه‌كانی ئێمه‌یان سه‌باره‌ت به دروست كردنی هێزێكی هاوبه‌ش له ناوچه‌كانی ده‌ره‌وه‌ی ئیداره‌ی هه‌رێمی كوردستان به‌هه‌ند وه‌رگرتووه.
هه‌روه‌ها گوتی: تا ئێستا هیچ گفتوگۆیه‌ك سه‌باره‌ت به‌م بابه‌ته له نێوان هه‌ولێرو به‌غدا نه‌كراوه، به‌ڵام تێبینی ئه‌وه كراوه كه هێزێكی هاوبه‌ش له ناوچه دابڕێندراوه‌كان بڵاوه پێبكرێن و دۆخی ئه‌و ناوچانه بگه‌ڕێنرێته‌وه بۆ به‌ر له ساڵی 2014.
گوتیشی: بڕیاره هه‌ولێرو به‌غدا له‌سه‌ر ئه‌م بابه‌ته گفتۆگۆ بكه‌ن، چونكه پێكهێنانی هێزێكی هاوبه‌ش له ناوچه دابڕێندراوه‌كان بۆته ئه‌مری واقیع، له‌به‌ر ئه‌وه‌ی چه‌كدارانی داعش خۆیان رێكخستۆته‌وه‌و له موسڵ و ده‌وروبه‌ری كه‌ركوك و چیای حه‌مرین و ناوچه‌كانی دیاله ده‌ستییان به جموجۆڵ كردۆته‌وه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.