داعش له كه‌ركوك خۆی رێكخستۆته‌وه و كه‌وتۆته جموجۆڵ و كرده‌ی تیرۆرستی ئه‌نجام ده‌دات، هێزه عێراقییه‌كان و ده‌زگا ئه‌منییه‌كانی كه‌ركوكیش ناتوانن پارێزگاری له كه‌ركوك و هاوڵاتیانی شاره‌كه بكه‌ن و خه‌ڵكیش له دڵه‌راوكێی په‌لامارو كرده تیرۆرستییه‌كانی گرووپی تیرۆرستی داعش دان و داوا ده‌كه‌ن پێشمه‌رگه و هێزه ئه‌منییه كوردییه‌كانی هه‌رێم بگه‌رێنه‌وه بۆ كه‌ركوك و له‌و دڵه‌راوكێیه ڕزگاریان ببێت.
له‌م باره‌یه‌وه نه‌قیب "فه‌رهاد حمه عه‌لی" گوته بیژی ئاسایشی كه ركوك، به مالپه‌ری ده‌زگای سه‌ته‌لایتی كوردستانی راگه‌یاند: تیرۆرستانی داعش له باشووری كه‌ركوك خویان ریكخستۆته‌وه و په‌لاماره‌كانی داعش بۆ سه‌ر هیزه عیراقیه‌كان زیادی كردووه.
ڕاشیگه‌یاند: هێزه عیراقیه‌كانیش له شاره‌كه ناتوانن تاك لایه‌نانه ئه‌من و ئاسایشی پارێزگای كه‌ركوك به‌ڕێوه به‌رن، چونكه شاره‌زایی ناوچه‌كه نین و كه‌سیش ئاماده نییه زانیاریان له‌سه‌ر ناوچه‌كه پێبدات.
ڕاشیگه‌یاند: ئه‌گه‌ر حاله‌ته‌كه به‌رده وام بێت ئه‌گه‌ری زیاد بوونی كردوه تیرورستیه‌كان ده كریت له پاریزگای كه‌ركوك.
کۆمێنت (0)
تا ئێستا هیچ کۆمێنتێک نەکراوە.