چه‌ند چاڤكانیێن راگه‌هاندنێ به‌لاڤ كرن كو هه‌ری كێم بیست سه‌ربازێن تورك و میلیشیایێن بسه‌ر وان ڤه د هه‌ردوو ته‌قینێن باژارێ عه‌فرینێ و ده‌ردۆرا وێ ده هاتنه كوشتن .
ژ ئالیێ خوه ڤه بینالی یه‌لدریم سه‌رۆك وه‌زیرێ توركیێ ئیرۆ راگه‌هاند كو سێ سه‌ربازێن تورك د ته‌قینه‌كی ده ل باژارێ عه‌فرێنێ هاتن كوشتن ، بێ كو چ هوربینیان ده‌ربارێ وێ ته‌قینێ به‌لاڤ بكه . هه‌ڤده‌م ژێده‌ره‌كی ژ میلیشیا یێن كو توركیا پشتگریا وان دكه راگه‌هاند كو د ده‌ما ته‌قاندنا تانكه‌كه سوپایێ توركیا ژ ئالیێ شه‌رڤانان ڤه د ناڤ باژارێ عه‌فرین ده ، نه‌ھ سه‌ربازێن تورك هاتن كوشتن .
هه‌ڤده‌م چالاكڤانان ئاماژه ب وێ كرن كو ته‌قینه‌كه دن ل رۆژئاڤایێ عه‌فرینێ هێزێن سوپایێ توركیا كر ئارمانج و د وێ ته‌قینێ ده یازده یان دوازده سه‌رباز و میلیشیا هاتن كوشتن . هن ژێده‌ران ئاماژه ب وێ كرن كو حه‌فت ژ كوشتیان سڤیلن ، لێ ژێده‌رێن دن به‌حسا وێ كرن كو هه‌موو كوشتیێن ته‌قینا دووه‌م ژ میلیشیا یێن گروپا حه‌مزه یێن ب سه‌ر سوپایێ ئازاد ڤه نه، هه‌ر چه‌نده نوچه دبێژن كو سه‌ربازێن تورك ژی تێده هه‌نه .
کۆمێنت (0)
تا ئێستا هیچ کۆمێنتێک نەکراوە.