یه‌کێتى ناوه‌ندى تۆپى پێى کوردستان ڕونکردنه‌وه‌ى بۆ یانه‌کانى کوردستان هه‌یه‌

یه‌كێتى ناوه‌ندى تۆپى پێى كوردستان له‌ڕاگه‌یاندراوێكدا ئاگادارى یانه‌كانى به‌شداربووى خوله‌كانى  پله‌ نایاب - پله‌یه‌ك - پله‌ دووى كوردستان هه‌یه‌ كه‌كاتى یاریه‌كانیان له‌گه‌ڕێكى دیكه‌ له‌خوله‌كانیان به‌م شێوه‌یه‌ ده‌بێـت

1- سه‌رجه‌م یارییه‌كانی خولی یانه‌ پله‌یه‌كه‌كانی كوردستان، له‌ رۆژی دووشه‌ممه‌ 2018/3/19 له‌ كاتژمێر 3:00 ـی ئێواره‌ به‌رێوه‌ ده‌چێت.

2- یارییه‌كانی خولی یانه‌ پله‌نایابه‌كانی كوردستان، له‌ رۆژی سێشه‌ممه‌ 2018/3/20 به‌مشێوه‌یه‌ ئه‌نجام ده‌درێت:
 برایه‌تی ـ نه‌ورۆز ـ كاتژمێر 2:00
هه‌ولێر ـ ئارارات ـ كاتژمێر 4:00
 هه‌ندرێن ـ شێروانه‌ ـ كاتژمێر 3:00
 پ. هه‌ولێر ـ زێره‌ڤانی ـ كاتژمێر 3:00

3- له‌به‌ر به‌رژه‌وه‌ندی گشتی و سه‌لامه‌تی هه‌موو لایه‌ك و گرژی و ئاڵۆزییه‌كان، كه‌ له‌ هه‌فته‌ی رابردوو له‌ نێوان هه‌ندێك له‌ هانده‌رانی یانه‌ پله‌دووه‌كان روویاندا، یه‌كێتی تۆپی پێی كوردستان یارییه‌كانی پاڵه‌وانیه‌تیی یانه‌ پله‌دووه‌كان كوردستانی، بۆ كاتێكی نادیار وه‌ستاند.