ئەمڕۆ هەینی شاندی پەرلەمانی كوردستان لە لەندەن لە پەرلەمانی به‌ریتانیادا، گفتوگۆیەكی کراوه‌ی له‌گه‌ڵ ژماره‌یه‌ک ڕاوێژکار وتوێژه‌ری سیاسی و ئاسایشی و سه‌ربازی ئەنجام دا.
له چوارچێوه‌ی سه‌ردانە فەرمیەكەی شاندی په‌رله‌مانی کوردستان بۆ بەریتانیا، ئه‌مڕۆ هەینی به سه‌رپه‌رشتی گرووپی سوپا و هێزی ده‌ریایی، کۆبوونه‌وه‌یه‌کی کراوه‌یان له‌گه‌ڵ ژماره‌یه‌ک ڕاوێژکار و شرۆڤه‌کاری ئاسایش و سه‌ربازی و ئه‌کادیمی و توێژه‌ر و ڕۆژنامه‌نووس ئەنجام دا.
لە كۆبوونەوەكەدا باس له ڕووداوه مێژووییه‌کان و پڕۆسه‌ی سیاسی و ئاسایش و شه‌ڕی تیرۆریستان و پێکه‌وه‌ژیان و دیموکراسی و خواست و داخوازی ئازادیخوازانه و سه‌ربه‌خۆخوازانه‌ی خه‌ڵکی کوردستان کرا.
شاندی په‌رله‌مانی کوردستان، ئه‌وه‌ی خستەڕوو كە كورد گه‌لێکی ئازا و ئازادیخوازە، به‌ڵام له به‌رامبه‌ر خواسته‌کانیدا کۆمه‌ڵگه‌ی نێوده‌وڵه‌تی چاوه‌ڕوانی زیاتری لێ ده‌کرێت.
کۆمێنت (0)
تا ئێستا هیچ کۆمێنتێک نەکراوە.