وه‌زيرى ده‌ره‌وه‌ى رووسيا، سێرگى لاڤرۆڤ، رايگه‌ياند، "وڵاته‌كه‌ى ژماره‌يه‌ك ديپلۆماتكارى به‌ريتانيا له رووسيا ده‌رده‌كات".
لاڤرۆڤ به ئاژانسى هه‌واڵده‌رى رووسى ريا نۆڤۆستى راگه‌ياند، "به‌م زووانه ديپلۆماتكاره به‌ريتانييه‌كان له رووسيا ده‌رده‌كه‌ن".
گوتيشى: "ئه‌و بڕياره‌ى رووسيا وه‌ڵامدانه‌وه‌ى بڕياره‌كه‌ى به‌ريتانيايه له باره‌ى ده‌ركردنى ديپلۆماتكاره رووسييه‌كان له وڵاته‌كه‌يدا".
ئه‌وه‌شى گوت: "بڕياره‌كه‌ى به‌ريتانيا لادانه له رێككاره په‌يڕه‌وكراوه‌كانى نێوان وڵاتان".
هه‌روه‌ها گوتى: "بانگه‌شه‌كانى به‌ريتانيا له دژى رووسيا كه‌موكورت و بێ به‌ڵگه‌ن".
ئاماژه‌شى بۆ ئه‌وه كرد، "بانگه‌شه‌كانى به‌ريتانيا له باره‌ى دۆسيه‌ى سكريباڵه‌وه مه‌به‌ستى ديكه‌يان له پشته‌وه‌يه".
دواى ژه‌هراويكردنى سكريباڵ و كچه‌كه‌ى، كه سيخوڕى پێشووى رووسيا بووه له به‌ريتانيا، حكومه‌تى له‌نده‌ن په‌نجه‌ى تۆمه‌ت بۆ رووسيا درێژ ده‌كات و له‌و بڕوايه‌دايه رووسه‌كان به مه‌به‌ستى كوشتن سكريباڵيان ژه‌هراوى كردبێت.
کۆمێنت (0)
تا ئێستا هیچ کۆمێنتێک نەکراوە.