سه‌رچاوه‌یه‌كى سه‌ربازى تایبه‌ت به ده‌زگاى سه‌ته‌لایتى كوردستانى راگه‌یاند:رۆژى هه‌ینى له خالێكى پشكنینى هێزه‌كانى میلیشیاى حه‌شدى شه‌عبى و سوپاى عێراقى له ناوچه‌ى بادۆشى سه‌ربه پارێزگاى موسڵ رووبه‌روو بونه‌وه یه‌كى ده‌سته‌و یه‌خه له‌گه‌ڵ گروپێكى چه‌كدارى داعش دروست ده‌بێت و دواى ته‌قه‌كردنێكى زۆر له نیوان هه‌ردولادا ، پێنج له سه‌ربازانى عێراقى له‌و خاڵه هاوبه‌شه گیان له ده‌ست ده‌ده‌ن و چه‌كدارانى داعشیش به‌ره‌و شوێَنێكى نادیار هه‌ڵاتوون
ئه‌و سه‌چاوه‌یه گوتیشى سه‌ربازه كوژراوه‌كان سه‌ربه فیرقه‌ى 20 ى سوپاى عێراقن كه به هاوبه‌شى له‌گه‌ڵ میلیشیاكانى حه‌شدى شه‌عبى ناوچه‌ى بادۆش به‌رێوه‌ده‌به‌ن
شیاوى باسه فیرقه‌ى 20 ى سوپاى عێراقى به‌ر له مانگێك به بڕیارى سه‌رۆك وه‌زیرانى عێراق به‌شێكى زۆریان له كه‌ركوك به‌ئاراسته‌ى هه‌ریه‌ك له پارێزگاى موسڵ و دیالا گواسترانه‌وه به‌و ئامانجه‌ى كه به‌شه‌كه‌ى موسڵ بتوانن كۆنترۆڵى ناوچه سنورییه‌كانى نێوان عێراق و سوریابكه‌ن
کۆمێنت (0)
تا ئێستا هیچ کۆمێنتێک نەکراوە.