لیوا نەجم جبوری فەرماندەی ئۆپراسیۆنی نەینەوا رایگەیاند كە زیاتر لە 4000 كەس تۆمەتبارن و چاوەڕوانی بڕیاری دادگان لە شاری موسڵ .
بەپێی رۆژنامەی قودسی عەرەبی ، جبوری ئەو ژمارە كەسە دەستگیركراوانە تا ئێستا فەرمانی دادوەر بە سەریاندا دەرنەچووە كە ئایا تاوانبارن یاخود نا ، چاوەڕوانی بڕیاری دادگان كە ئایا ئەندامی داعشن یاخود نا .
فەرماندەی ئۆپراسیۆنی نەینەوا روونیكردەوە كە ژمارەی ئەو كەسانە نزیكەی 5000 كەس دەبن كە بەشێك لەو ژمارەیە دانیان بە تاوانەكانیان ناوەو ئەوانیش تەنها 300 كەس دەبن ، بەڵام ژمارەیەكی زۆر كە زیاترن لە 4000 كەس چاوەڕوانی بڕیاری دادگان . جبوری ئەوەشی راگەیاند كە خانەوادەی ئەو تۆمەتبارانە هیچ رێوشوێنێكیان بەرامبەر بە خانەوادەی ئەو تۆمەتبارانە وەرنەگرتووە كە لە نێو رێكخراوی تیرۆریستی داعش بوونە .
روونیشیكردەوە كە ئەوان پابەندن بە بڕیاری حكومەتی عێراقی كە تیایدا هاتووە هەر تیرۆریستێكی داعش داواكراوە بەڵام خانەوادەكەی بەپێی یاسا داواكراو نین .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.