كۆماری ئیسلامی ئێران داوا له ئه‌مریكاو وڵاتانی ئه‌وروپا ده‌كات ده‌ست به‌جێ فرۆشتنی چه‌ك به سعودیه رابگرن.
به‌هرام قاسمی، وته‌بێژ به‌ناوی وه‌زاره‌تی ده‌ره‌وه‌ی ئێران داوای له ئه‌مریكا و وڵاتانی ئه‌وروپا كرد ده‌ست به‌جێ فرۆشتنی چه‌ك به وڵاتی سعودیه و ئه‌وانه‌ش رابگرن كه به‌و چه‌كانه خه‌ڵكانی سڤیل یه‌مه‌ن ده‌كه‌نه ئامانج و رۆژ له دوای رۆَژیش دۆخی ئاسایشی ئه‌و وڵاته به‌ره‌و خراپی ده‌به‌ن.
لێدوانه‌كه‌ی به‌هرام قاسمی له‌و كاته‌وه‌یه كه هه‌ر یه‌ك له بریتانیا و فه‌ره‌نسا نیگه‌رانی خۆیان له باره‌ی پرۆگرامی به‌رگری ئێران ده‌ربریبوو.
هه‌روه‌ها قاسمی له وه‌ڵامی هه‌ر یه‌ك له بریتانیا و فه‌ره‌نسا ئه‌وه‌شی راگه‌یاندووه كه نیگه‌رانییه‌كانی ئه‌و دووڵاته هیچ به‌هانه‌یه‌كی مه‌نتیقی له خۆ ناگرێت.
سعودیه هه‌موو كاتێك ئێران به‌وه تاوانبار ده‌كات كه چه‌ك بۆ حوسییه‌كانی یه‌مه‌ن ره‌وانه ده‌كات و ئه‌وانیش به‌و چه‌كانه سعودیه ده‌كه‌ن ئامانج.
ئاماده‌كردنی: رزگار
سه‌رچاوه سپۆتنیك
کۆمێنت (0)
تا ئێستا هیچ کۆمێنتێک نەکراوە.