کۆنفرانسێک لەبارەی رۆژهەڵاتی ناوەڕاست و کوردەوە لە مۆسکۆ ساز دەکرێت و داواتنامەیەک ئاراستەی شاندێکی هەرێمی کوردستان دەکرێت.
بڕیارە رۆژی 19/2/2018، ڤەڵدای کڵۆب و پەیمانگای رۆژهەڵاتناسی لە مۆسکۆ کۆنفرانسێک لەبارەی کێشەکانی رۆژهەڵاتی ناوەڕاست ساز بکەن و رۆژی دووەمی کۆنفرانسەکەش، پانێڵێک لەبارەی کێشەی کورد لەو ناوچەیە، ساز دەکرێت.
ڤیتالی نائومکین، سەرپەرشتیاری کۆنفرانسەکە بە کوردستان 24ی راگەیاندووە، بە لەبەرچاوگرتنی رۆڵ و کاریگەریی کورد لە چارەسەرکردنی کێشەکانی رۆژهەڵاتی ناوەڕاست، بانگهێشتنامەیەکی فەرمییان بۆ شاندێکی هەرێمی کوردستان ناردووە.
کۆنفرانسەکە بە بەشداریی نوێنەرانی 30 وڵات لە رۆژهەڵاتی ناوەڕاست، ئەورووپا، رووسیا و چین ساز دەکرێت و دوو رۆژ بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.