كاتژمێر 11ـی به‌یانی ئه‌مڕۆ به‌كاتی تاران كه‌سێك كه كفنی كردووه‌ته به‌ر خۆی، هه‌وڵیداوه تا به خه‌نجه‌ر له پرسگه‌كانی بینای سه‌رۆكایه‌تی كۆماری ئێران تێپه‌ڕێت و دواتریش كه گوێی له هۆشداریی پاسه‌وانانی سه‌رۆك كۆماریی نه‌گرتووه، به ته‌قه‌ی ئه‌وان بریندار كراوه.
به‌گوێره‌ی سه‌رچاوه‌كانی هه‌واڵ ئه‌و كه‌سه هێرشبه‌ره ته‌مه‌نی نزیكه‌ی 35 ساڵان ده‌بێت و به خه‌نجه‌ر هێرشی كردووه‌ته سه‌ر پاسه‌وانانی بینای سه‌رۆكایه‌تیی كۆمار و دواتریش كه كه ته‌قه‌یان لێكردووه و بریندار كراوه، ره‌وانه‌ی نه‌خۆشخانه كراوه.
به وته‌ی جێگری به‌ڕێوه‌به‌ری گشتی پۆلیسی پارێزگای تاران، پێناسه‌ی ئه‌و كه‌سه تا ئێستا ده‌رنه‌كه‌وتووه، به‌ڵام ده‌زگای په‌یوه‌ندیدار به‌دوای ئه‌وه‌دا ده‌گه‌ڕێت كه بزانێت كێیه و ئامانجی چی بووه له‌مكاره.
سه‌رچاوه / یۆرۆ نیوز
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.