دوای رووداوه‌كانی 16ی ئۆكتۆبه‌ر عێراق و ئێران له‌سه‌ر ناردنه ده‌ره‌وه‌ی نه‌وتی كه‌ركووك رێككه‌وتوون و به‌غداش چیدیكه بۆ ناردنه ده‌ره‌وه‌ی نه‌وت، پشت به توركیا نابه‌ستێ.
رۆژنامه‌ی فاینشنالی بریتانی له راپۆرتێكدا كه ئه‌مرۆ شه‌ممه 3-2-2018 بڵاوكراوه‌ته‌وه رایگه‌یاندووه، عێراق و ئێران رێككه‌وتوون، هێڵێكی ناردنه ده‌ره‌وه‌ی نه‌وتی كه‌ركووك به ئێراندا رابكێشن.
هه‌روه‌ها رۆژنامه‌كه پێشبینیكردووه ئه‌م هه‌فته‌یه عێراق ده‌ست به ناردنی نه‌وتی كه‌ركووك بۆ ئێران بكات.
رۆژنامه‌كه ده‌شڵێ: عێراق و ئێران پلان بۆ راكێشانی بۆری نه‌وت داده‌نێن تا نه‌وتی كه‌ركووك له ئێرانه‌وه بنرێدرێته ده‌ره‌وه و چیدیكه به‌غدا بۆ ناردنه ده‌ره‌وه‌ی نه‌وت، پشت به توركیا نه‌به‌ستێت.
ئێران و عێراق رێككه‌وتوون كه تا 60 هه‌زار به‌رمیل نه‌وت له رۆژێكدا، له نه‌وتی خاوی كه‌ركووك بنێردرێته پاڵاوگه‌یه‌كی شاری كرماشان و له به‌رامبه‌ردا ئێران له باشووره‌وه نه‌وت راده‌ستی به‌غدا بكات.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.