فه‌یسبووك خزمه‌تگوزارییه‌كی باشی كۆمه‌ڵایه‌تیه ، كه‌چی هه‌ندێك جار به‌هۆی خه‌راپ به‌ركاهێنانی كێشه دورست ده‌كات له شاری ئاكرێ روداوێكی سه‌یر به‌هۆی فه‌یسبووك له نێوان كوڕو باوكێك رویدا .
له سه‌نته‌ریشارۆچكه‌ی ئاكرێ ڕووداوێكی كۆمه‌ڵایه‌تی له نێوان كوڕ و باوكێك ڕوویدا و خه‌ڵكی ناوچه‌كه به سه‌یرترین رووداوی هه‌ژماری ده‌كه‌ن له شارۆكه‌كه‌یان و ده‌ڵێن هیچ كات شتی وا ڕووینه‌داوه.
دوای ئه‌وه‌ی ده‌مه‌قاڵێ له نێوان كوڕ و باوكێك درووست ده‌بێت، كوڕه‌كه به توڕه‌ییه‌وه وێنه‌ی باوكی له پڕوفایلی تایبه‌تی خۆی له توری كۆمه‌ڵایه‌تی فه‌یسبووك بڵاوكردۆته‌وه و له‌سه‌ر وێنه‌كه‌ش ناوی باوكیشی تاگ كردووه، وا بڵاوی كردۆته‌وه كه باوكی به‌هۆی ڕووداوێكی دڵته‌زین كۆچی دوایی كردووه.
دوای ئه‌وه‌ی باوكی كوڕه‌كه به‌م كاره‌ی كوڕه‌كه‌ی ده‌زانێت ده‌ست به‌جێ سكاڵای له‌سه‌ر تۆمار ده‌كات و ده‌یخاته زیندانه‌وه.
له‌مباریه‌وه "شه‌كیران زێباری"، هاورێی نزیكی باوكی ئه‌و كوڕه به "وشه"ی ڕاگه‌یاند، به‌هۆی ڕووداوێكی كومه‌ڵایه‌تی له نێوان (ئه‌حمه‌د مه‌ردان زێباری) كه یه‌كێكه له كه‌ساتیه‌كانی سنووری شارۆكه‌ی ئاكرێ و كوڕه 24 ساڵانه‌كه‌ی، دواجار كوڕه‌كه‌ی ئه‌حمه‌د به توڕه‌ییه‌وه وێنه‌ی باوكی له پڕوفایلی تایبه‌تی خۆی له تۆڕی كومه‌ڵایه‌تی فه‌یسبووك بڵاوده‌كاته‌وه و هه‌واڵه‌كه له ته‌واوی شاۆرۆكه‌كه بڵاو ده‌بێته‌وه، و كاریگه‌ری زۆر له‌سه‌ر كه‌سایه‌تی ئه‌حمه‌د و خانه‌واده و هاوڕێكانی درووست كردووه و چه‌ندان كه‌س سه‌ردانی ماڵی ئه‌ویان كردووه به‌په‌له بۆ هه‌واڵ پرسینی دواتر بۆیان ده‌ركه‌وتووه هه‌واڵكه ڕاست نییه.
كوردستان تیڤی/ كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.