رۆژنامه‌ی سه‌بقی ئه‌لیكترۆنی سعوودی بڵاوی كردووه‌ته‌وه، به‌رپرسێكی سعوودی رایگه‌یاندووه، سه‌رجه‌م ده‌ستبه‌سه‌ركراوان له چوارچێوه‌ی لێكۆڵینه‌وه‌كانی تایبه‌ت به پرسه‌كانی گه‌نده‌ڵی، ئازاد كران كه له هوتێلی ریتز كارلتۆن له شاری ریازی پایته‌خت ده‌ست به‌سه‌ر كرابوون.
رۆژنامه‌كه ورده‌كارییه‌كانی پشت ئازادكردنی ئه‌و ده‌ستبه‌سه‌ركراوانه‌ی بڵاونه‌كردووه‌ته‌وه و هێشتاش ئه‌وه دیار نییه ئایه ژماره‌یه‌ك له‌و ده‌ستبه‌سه‌ركراوانه كه ئازادكراون ره‌وانه‌ی دادگا ده‌كرێنه‌وه یان نا.
ئازادكردنی ئه‌و ده‌ستبه‌سه‌ركراوانه دوای ئه‌وه دێت كه له چه‌ند رۆژی رابردوودا، ملیاردێر و شازاده‌ی سعوودیه، وه‌لید بن ته‌لال كه له چوارچێوه‌ی لێكۆڵینه‌وه‌كانی تایبه‌ت به پرسه‌كانی گه‌نده‌ڵی ده‌ستبه‌سه‌ركرابوو له هوتێل ریتز كارلتۆن، ئازاد كرابوو.
کۆمێنت (0)
تا ئێستا هیچ کۆمێنتێک نەکراوە.