رەوتی حیكمەی عەمار حەكیم و ئیئتیلافی النصر - سەركەوتنی حەیدەر عەبادی، بڕیارییاندا بە دوو لیستی جیاواز بەشداریی هەڵبژاردنی داهاتوو بكەن كە بڕیارە لە 12ی مانگی 5ی ئەمساڵ بەرێوە بچێت .
بە گوێرەی راگەیەندراوێكی هاوبەشی ئەو دوو لایەنە، كە ئیئتیلافی سەركەوتنی عەبادی و رەوتی حیكمەی عەمار حەكیمە، گەیشتوونەتە ئەو ئەنجامەی بە جیا بەشداری هەڵبژاردن بكەن و وەك خۆیان ئاماژەی بۆ دەكەن، جیابوونەوەكە جیابوونەوەیەكی تەكنیكییە زیاتر و لە بەرژەوەندی هاوبەشی هەردوو لایە.
رەوتی حیكمە لە 14ی كانوونی دووەمی ئەمساڵ بڕیاریدا بچێتە ناو ئیئتیلافەكەی عەبادی، بەڵام لە راگەیەندراوێكدا، هەردوولا رایانگەیاند بە جیا بەشداری هەڵبژاردنی داهاتووی عێراق دەكەن. ئەمەش وا دەكات ویلایەتی دووەمی عەبادی، بۆ پۆستی سەرۆك وەزیرانی عێراق قورستر بێت.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.