له پێناو كه‌مكردنه‌وه‌ی رۆتین و رێَزگرتنی هاووڵاتیان و به‌دواداچوونی گه‌نده‌ڵی وه‌زیری دارایی و ئابووری حكومه‌تی هه‌رێم كاره‌كانی به‌ڕێوه‌به‌رایه‌تی چاودێری و پشكنینی دارایی له وه‌زاره‌تی دارایی و ئابووری كاراكرده‌وه.
به پێی گشتاندنی ژماره 347 له 25/1/2018 به واژۆی رێباز حه‌ملان، وه‌زیری دارایی و ئابووری حكومه‌تی هه‌رێم بڕیاردرا به كاراكردنی به‌ڕێوه‌به‌رایه‌تی چاودێری و پشكنینی دارایی له وه‌زاره‌تی دارایی و ئابووری.
له گشاندنه‌كه‌دا هاتووه: به مه‌به‌ستی به‌دواداچوون بۆ كار ئاسانی و كه‌مكردنه‌وه‌ی رۆتین و رێزگرتنی هاوڵاتیان به‌ڕێوه‌به‌رایه‌تی چاودێری و پشكنینی دارایی وه‌زاره‌تی دارایی و ئابووری كاراكرایه‌وه، به شێوه‌ی له‌ناكاو پشكنین و چاودێری دارایی خۆیان ئه‌نجام ده‌ده‌ن.
هه‌روه‌ها هه‌ماهه‌نگی كردن له‌گه‌ڵ لایه‌نی په‌یوه‌ندار بۆ دواداچوون و چاودێری سامان و موڵكی گشتی له‌گه‌ڵ داواكاری گشتی، دیوانی چاودێری دارایی و ده‌سته‌ی ده‌سپاكی.
له خاڵێكی تری گشتاندنه‌كه باس له‌وه‌شكراوه كه پێویسته فه‌رمانگاكان ئاگاداری و هه‌ماهه‌نگی بكه‌ن به‌ڕێوه‌به‌رایه‌تی چاودێری بكه‌ن له كاتی بوونی هه‌ر گه‌نده‌ڵی و لادانی دارایی.
کۆمێنت (0)
تا ئێستا هیچ کۆمێنتێک نەکراوە.