وته‌بێژی حكومه‌تی هه‌رێمی كوردستان رایگه‌یاند: له چوارچێوه‌ی بودجه‌ی عێراق داوای مافی خۆمان كردووه و چاوه‌ڕێ یاخود داوای سه‌ده‌قه له به‌غدا ناكه‌ین .
سه‌باره‌ت به خه‌رجكردنی شارسته داراییه‌كانی حكومه‌تی هه‌رێمی كوردستان و ناردنی مووچه‌ی فه‌رمانبه‌رانی هه‌رێم، سه‌فین دزه‌یی وته‌بێژی حكومه‌تی هه‌رێمی كوردستان، له لێدوانێكدا بۆ ده‌زگای سه‌ته‌لایتی كوردستان رایگه‌یاند: له چوارچێوه‌ی بوودجه‌ی عێراق داوای مافی خۆمان كردووه و چاوه‌ڕێ یاخود داوای سه‌ده‌قه له به‌غدا ناكه‌ین .
هه‌روه‌ها سه‌باره‌ت به ناردنی 450 ملیار دینار له لایه‌ن به‌غداوه دزه‌یی رایده‌گه‌یه‌نێت: له میدیاكانه‌وه گوێبیستی ئه‌و بڕه پاره‌یه بووینه به فه‌رمی ئاگادار نه‌كراوینه‌ته‌وه و ئێمه وه‌كو حكومه‌تی هه‌رێمی كوردستان ئاگاداری هیچ حیسابێكی بانكى نین كه له به‌غدا به‌و حیسابه كرابێته‌وه .
وته‌بێژی حكومه‌تی هه‌رێمی كوردستان راشیگه‌یاند: ئه‌گه‌ر ئه‌و 450 ملیار دیناره‌ی كه باسیشی لێده‌كرێت ئه‌گه‌ر وابێت ئێمه ئاگاداری هیچ ورده‌كارییه‌كی نینه كه به‌شێك بێت له بودجه یان مانگانه‌یه یاخوود هی چه‌ند وه‌زاره‌تێكه .
هه‌روه‌ها سه‌فین دزه‌یی وتیشی: ته‌نها و ته‌نها داواكاری ئه‌وه‌ین بتوانین زیاتر و زیاتر گفتوگۆ له نێوانمان هه‌بێت و بتوانین گرفته‌كانی نێوانمان چاره‌سه‌ر بكه‌ین .
کۆمێنت (0)
تا ئێستا هیچ کۆمێنتێک نەکراوە.