به‌گوێره‌ی توێژینه‌وه‌یه‌ك دۆلفینه‌كان خێراتر له ئاژه‌ڵاتی دیكه و ته‌نانه‌ت خێراتر له منداڵی مرۆڤیش وێنه‌ی خۆیان له ئاوێنه‌دا ده‌ناسنه‌وه.
به پێی توێژینه‌وه‌كه منداڵی مرۆڤ له ته‌مه‌نی 12 مانگییه‌وه پڕۆسه‌ی خۆناسینی ده‌ستپێده‌كات. ئه‌و ته‌مه‌نه بۆ شه‌مپانزییه‌كان 2 ساڵه و بۆ بێچووه دۆلفینه‌كان 7 مانگه، كه ئه‌وه‌ش بووه‌ته مایه‌ی سه‌رسوڕمانی زانایانی بواری زینده‌وه‌رناسیی.
ئه‌و توێژینه‌وه‌یه كه سێ ساڵی خایاندووه، توێژه‌رانی سه‌رسام كردووه به‌وه‌ی كه بێچووی دۆلفین چاوی له ئاوێنه نزیك ده‌كاته‌وه و له بێده‌نگیدا ده‌ڕوانێته وێنه‌ی خۆی و زمانی ده‌جووڵێنێت و زمانی خۆی له ئاوێنه‌دا ده‌بینێت و له به‌رامبه‌ر هه‌موو ئه‌وانه‌دا هه‌ڵوێستی كرداریی ده‌بێت.
به چه‌شنێك كه زانایان له رێگه‌ی كردار و هه‌ڵوێستییانه‌وه بۆیان ده‌ركه‌وتووه كه ئه‌وان پرۆسه‌ی خودناسینییان له ته‌مه‌نی 7 مانگییه‌وه ده‌ستپێده‌كات و ئه‌وه‌ش 5 مانگ زووتر له خودناسینی منداڵی مرۆڤه.
سه‌رچاوه / یۆرۆنیوز
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.