بەهۆی تەقینەوەیەكی خۆكوژییەوە لە بەغدا، هەشت كەس كوژران و 10 كەسی دیكەش برینداربوون.
ئێوارەی ئەمڕۆ بەهۆی تەقینەوەیەكی خۆكوژییەوە لە شاری بەغدا، هەشت كەس كوژران و 10 كەسی دیكەش برینداربوون.
ئاژانسی هەواڵی ئەسۆشێتدپرێس، لەزاری بەرپرسانی عێراقییەوە بڵاویكردووەتەوە كە تەقینەوەكە لە گەڕەكێكی باكووری بەغدا ڕوویداوە، و خاڵێكی پشكنینی پۆلیسی لەسەر شەقامێكی قەرەباڵغ كردووەتە ئامانج، و ژمارەیەك پۆلیس لەنێو بریندارەكاندان.
تەقینەوەیەکه کاروانی ئۆتۆمبێلەکانی سەرۆکی ئەنجوومەنی پارێزگای بەغدای كردووه‌ته ئامانج.
هێشتا هیچ گروپێك بەرپرسیارێتی خۆی لە ئەنجامدانی تەقینەوەكە ڕانەگەیاندووە.
لەماوەی چەند مانگی ڕابردوودا، و دوای ئەوەی عێراق سەرجەم ناوچەكانی ژێردەستی چەكدارانی داعش-ی كۆنترۆڵكردەوە، ژمارەی تەقینەوەكان بەشێوەیەكی بەرچاو لە بەغدا كەمیكردووە.
کۆمێنت (0)
تا ئێستا هیچ کۆمێنتێک نەکراوە.