كه‌سێكی نزیك له عه‌بادی رایده‌گه‌ێنێ، هیچ رێككه‌وتنێكی نهێنی له نێوان هه‌ولێرو به‌غدا نییه‌و ئه‌گه‌ریش هه‌ر رێككه‌وتنێكیش بكرێت، ئه‌وا به شێوه‌یه‌كی فه‌رمی رایده‌گه‌ێنین.
عه‌باس به‌یاتی ، سه‌ركرده له هاوپه‌یمانی ده‌وڵه‌تی یاساو كه‌سێكی نزیك له حه‌یده‌ر عه‌بادی ، سه‌رۆك وه‌زیرانی عێراق له لێدوانێكی تایبه‌تدا به به‌غداد ئه‌لیۆمی راگه‌یاندووه: ئێمه و هه‌رێمی كوردستان گه‌لێكن و پێویستیمان به نێوه‌ندگیری نێوده‌وڵه‌تی بۆ كێشه‌كانی نێوان هه‌ولێرو به‌غدا نییه، په‌یوه‌ندی راسته‌وخۆ و ناراسته‌وخۆش له نێوان هه‌ردوولادا هه‌یه.
سه‌ركرده‌كه‌ی هاوپه‌یمانی ده‌وڵه‌تی یاسا روونیشیكرده‌وه كه له چه‌ند رۆژی داهاتوودا به‌شێوه‌یه‌كی فه‌رمی گفتوگۆكانی نێوان به‌غداو هه‌ولێر ده‌ست پێده‌كه‌ن.
گوتیشی: هیچ رێككه‌وتنێكی نهێنی له نێوان هه‌ولێرو به‌غدا نییه‌و ئه‌گه‌ریش هه‌ر رێككه‌وتنێكیش بكرێت، ئه‌وا به شێوه‌یه‌كی فه‌رمی رایده‌گه‌ێنین.
کۆمێنت (0)
تا ئێستا هیچ کۆمێنتێک نەکراوە.