له رێوڕه‌سمێكدا كۆنسوڵخانه‌ی فه‌خریی سریلانكا له شاری هه‌ولێركرایه‌وه
له رێوڕه‌سمی كردنه‌وه‌ی كۆنسوڵخانه‌كه‌دا، فه‌لاح مسته‌فا ، به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكوومه‌تی هه‌رێمی كوردستان گوتی: ئه‌و هه‌نگاوه‌ی حكوومه‌تی سریلانكا سه‌رنجی ئێمه‌ی راكێشاوه و ئه‌مه‌ش مژارێكی گه‌رمه له میژووی ئێمه‌دا و ئاسۆیه‌كی گه‌شه كه هه‌رێمی كوردستان پابه‌نده به په‌یوه‌ندییه‌كانی له‌گه‌ل هه‌موو كۆمه‌ڵگای نیوده‌وڵه‌تی و ئاماژه‌یشه به‌و سیاسه‌ته‌ی هه‌رێمی كوردستان و گه‌شه‌سه‌ندنی په‌یوه‌ندییه‌كانی له‌سه‌ر ئاستی نێوده‌وڵه‌تی".
هه‌روه‌ها گوتیشی: ئێمه ده‌مانه‌وێت په‌ره به په‌یوه‌ندییه‌كانمان بده‌ین له سه‌رانسه‌ری جیهان و به‌ره‌و پێشه‌وه بچین و پیرۆزباییش له دكتۆر ئه‌حمه‌د جه‌لاله‌ددین ده‌كه‌ین كه وه‌كو كۆنسوڵی فه‌خری كۆماری دیموكراتی سۆشیالیستی سریلانكا ده‌ستنیشانكراوه و هیوادارین له ئه‌ركه‌كانی سه‌ركه‌وتوو بێت .
به‌كردنه‌وه‌ی ئه‌م نوێنه‌رایه‌تییه‌ی سریلانكا، ئه‌وا تێكڕای نێرده بیانییه‌كان له ھه‌رێمی كوردستان ده‌گاته ٣٨ نێرده كه حه‌وت له‌وانه كونسوڵی فه‌خرین.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.