چه‌کدارانی حه‌شدی شه‌عبی چوار هاووڵاتی گوندی ئاشتۆکان ده‌ڕفێنن

ژماره‌یه‌ك چه‌كداری حه‌شدی شه‌عبی چوارهاووڵاتی گوندی ئاشتۆكان ده‌ڕفێنن و یه‌كێك له‌ رفێندراوه‌كانیش به‌ برینداری خۆی له‌ده‌ستی ئه‌و چه‌كدارانه‌ رزگاركردووه‌.

سه‌رچاوه‌یه‌ك به‌ ده‌زگای سه‌ته‌لایتی كوردستانی راگه‌یاند: له‌ گوندی ئاشتۆكانی سه‌ربه‌ناحیه‌ی جه‌باره‌ له‌ گه‌رمیان ژماره‌یه‌ك چه‌كداری حه‌شدی شه‌عبی هه‌ڵیان كوتاوه‌ته‌ سه‌ر ماڵی موختاری گونده‌كه‌ و له‌ ئه‌نجامدا موختاری گونده‌كه‌و سێ كوڕی موختاره‌كه‌یان به‌ره‌و شوێنێكی نادیار رفاندووه‌.

دواتر یه‌كێكـ له‌ڕفێندراوه‌كان توانیویه‌تی به‌برینداری خۆی له‌ده‌ستی ئه‌و چه‌كدارانه‌ رزگار بكات و  بۆ وه‌رگرتنی چاره‌سه‌ری پزیشكی خۆی گه‌یاندۆته‌ نه‌خۆشخانه‌ی كفری.

داڕشتنه‌وه‌ی: رزگار