ئه‌مرۆ له ده‌ربه‌ندیخان پێنجه‌مین فێستیڤاڵی نێوده‌وڵه‌تیی شانۆی سه‌رشه‌قامی ده‌ستپێكرد.
حه‌سه‌ن حه‌مه‌ساڵه‌ح به‌ڕێوه‌به‌ری ڕۆشنبیری و هونه‌ری ده‌ربه‌ندیخان ڕاگه‌یاند: ئه‌مڕۆ چوارشه‌ممه 1/11/2017، كاره‌كانی پێنجه‌مین فێستیڤاڵی نێوده‌وڵه‌تیی شانۆی سه‌رشه‌قامی ده‌ربه‌ندیخان ده‌ستی پێكرد، به‌ڵام گرووپه‌كانی وڵاته عه‌ره‌بییه‌كان به‌هۆی دۆخی ئێستای كوردستان و داخستنی فڕۆكه‌خانه‌كانی هه‌رێمی كوردستانه‌وه نه‌یانتوانی به‌شداریی فێستیڤاڵه‌كه بكه‌ن.
شایانی باسه فێستیڤاڵه‌كه ماوه‌ی 3 ڕۆژ ده‌خایه‌نێت و گرووپه شانۆییه‌كانی سلێمانی، كه‌ركووك، زاخۆ، كۆیه، هه‌ڵه‌بجه، كه‌لار و ڕانیه، چه‌مچه‌ماڵ، كفری، قه‌ڵادزێ، پیره‌مه‌گرون، ده‌ربه‌ندیخان و بابل و وڵاتی ئێران به‌شداریی تێدا ده‌كه‌ن."
كوردستان تیڤی/ كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.